• غناء: أوكا – فيلو
  • كلمات: ميدو الفنان

يا طير ياللي مفارق
علي رزقك بتسابق
اه بنتمني ترجع بيننا
اصل وجودك فارق

اوعي الغربه تغرك
مش هتفيد هتضرك
فيها هتفضل مش مرتاح
ومفيش شئ هيسرك

متغيرش توبك
وتقول ده اكل عيش
مش عشان جيوبك
تتغرب علي مفيش
ليك مكان معانا
متقولش لا ماليش
الحل مش تفارق
مع ناسك يلا عيش

لما تبقي مرضي
هتبقي ف الأمان
مش عشان تعدي
هتروح ف كل مكان
ربك اللي مدي
رزقك مش بالمكان
طول م انت مش طمعان
هتكون اكيد كسبان

ربك كرمه كبير
عارف فين الخير
هنا أو هنا رزقك هيجيلك
اه مش فارقه كتير

ابدا بسم الله
خليها علي الله
فكر بس بشكل إيجابي
وكل السلبي انساه

لو لازم تعافر
بلدك اولي بشقاك
مش لازم تسافر
رب هنا رب هناك
ارضي وابقي صابر
ربك هيكون معاك
افضل باصص قدام
متبصش يوم وراك

فكر ف اللي منك
من غيرك حالهم ايه
ليه مصر انك
تبيع الكل ليه
لا مش غصب عنك
كله مصيره ب ايديه
غيرك ف الغربه عايش
ولا ايد اتمدت ليه

هنعمر ف بلدنا
هنعليها بأيدنا
صفي النيه واهدي شويه
ادي لنفسك هدنه

عاوز الهم يسيبك
متفكرش ف جيبك
عيشها علي الله سيبها علي الله
كل الخير هيجيلك