• غناء: حمو بيكا – نور التوت – علي قدورة – حسن شاكوش
  • كلمات: إسلام المصري
  • توزيع: فيجو الدخلاوي
  • إنتاج: سامو الإرهابي

وداع يا قلبي وداع – حمو بيكا وحسن شاكوش 2020

يلا بالسلامات مفيش أخوات فارقوني
لو عايزين تشوفوني اتفضلوا في استراحة
طول ما فيه الروح عمر ما حاجة هتجرحني
 
عدت الاوقات وعمرنا ضاع على الفاضي
جوه مني جراح ومش مرتاح ومش راضي
 
كل ما أفرح يوم ألاقي هموم تحزني
مين في وقت الضيق يكون ليا صديق يشيل عني
مين في وقت الضيق يكون ليا صديق يشيل عني
 
الحديد صاحب الجدعان مش مبسوط ومش فرحان
جوه في رجولة بره مقتولة في الحقيقة كلها بتبان
 
القلوب مش زي زمان نفسي أشوف واحد سلكان
الكلام على جرح غويط الحكاية خلف الجدران
الكينج ده السيد أبو ليله أرض الطابية دول الفرسان
 
الأوض مقفولة روحي مقتولة نفسي أموت
عشتي مش مقبولة من جوايا أنا مكبوت
 
أصحي كله كلام مشوفتش تمام يقدرني
يا للي بعت زمان تعيش ندمان هتخسرني
أيوة أنا التلفان أنا الخربان تلاشوني
 
لا مليش عنوان في أي مكان تقابلوني
يلا بالسلامات مفيش أخوات وفارقوني
بكره تيجوا وانطركوا أصل مسيركم تحتاجوني
 
ناس كتير بتخاف ومية شواف بيستهبل
نفسي أشوف مظبوط ولو على الموت يجي يسندل
طول حياتي محبوس عايش في كابوس ومتعذب
والدماغ شغالة والرجالة بتحزب
والدماغ شغالة والرجالة بتحزب
 
أهل مين وحبايب مين هما فين دول مش باينين
في المصلحة بس موجودين أحلى مسا على أجدع ناس
 
مسحوا رقمي من المحمول نسيوا أي رجولة وأصول
اللي داير مش معقول اللي من ده باعني خلاص
 
بنتي أشوفها معايا بس كفاية ايه تاني
هي ليها عيوني أخدت لوني وحناني
 
انتي كل العالم وضحكتك بتفرحني
طول ما فيا الروح عمر ما حاجة هتجرحني
طول ما فيا الروح عمر ما حاجة هتجرحني
 
ياللي حبك موت عدى أي حدود
قلبي ليكي مشدود أنتي أحلى خدود
 
شوفتك اتسرقت شكلي فيكي عشقت
يلا نخطف وقت ليكي أنا أتشوقت
 
وداع يا دنيا وداع على اللي باع ومكملش
الحياة لو بيك أو من غيرك دي هتمشي
 
سلام يا حب سلام معدش غرام مفيش راحة
لو عاوزين تشوفوني اتفضلوا في استراحة
 
في السجون هتلاقي خطورة مفيش بم مفيش أسطورة
قلبك ميت تمسك نصلة هتجلي تنام جنب الدورة
 
انفرادي وسقف مفيش كل يوم نص رغيف عيش
عاوز تنسى اللي بيظلمك خد بشرطه وخبى حشيش
 
الحقوا الأندال معاهم مال وخاربينها
واحنا موتنا يا خال وبختنا مال وعايشينها
 
هعدم الإحساس كرهت الناس وأفعالهم
السيد أبو ليلة الكينج وحشوكوا يزعلهم
السيد أبو ليلة الكينج وحشوكوا يزعلهم

كلمات اغنية وداع يا دنيا وداع – حسن شاكوش وحمو بيكا

مهرجان حسن شاكوش وحمو بيكا 2020 – وداع يا قلبي الوداع – الفيديو كليب

لا يستطيع أحد إنكار النجاح الساحق التي حققته مهرجان وداع يا دنيا وداع، فقد تصدرت الأغنية محركات البحث لفترة طويلة وكانت الشغل الشاغل لكل محبي الفن الشعبي بل وكانت الأغنية الرئيسية لجميع الأفراح والحفلات المقامة في القاعات والفنادق لفترة ليست بالقصيرة.

وظهر حسن شاكوش في لقاء مع الإعلامي أحمد موسي على قناة صدى البلد في برنامج على مسئوليتي، وتحدث المطرب ذائع الصيت والشهرة في الفترة الأخيرة عن بداياته من الفن قائلًا بأنه لم يكن ينوي دخول المجال الفني من البداية بل كان حلمه منذ صغره بأن يكون لاعب كرة قدم محترف وبدأ بالفعل في ذلك المجال حيث قضى مرحلة الناشئين في صفوف النادي الإسماعيلي وكان يذهب يوميًا من القاهرة للإسماعيلية من أجل الانتظام والتدرب في معسكر الفريق.

وأضاف بأن حظي بطفولة متواضعة ولم يمتلك الكثير من المال في بداياته حيث لم يكن يمتلك إلا 20 جنيه فقط كل يوم، كان يصرف معظمها على وسائل التنقل بين القاهرة والإسماعيلية يوميًا، وأكد على أنه لم ييأس بل كان في يعمل في صالون كوافير مع أخيه حتى الثالثة فجرًا من أجل الحصول على 10 جنيهات يوميًا. وأضاف شاكوش بأنه لم يحصل على نصيبه من الكرة وبأنه ظُلم كثيرًا مشيرًا أنه لو كانت الظروف مختلفة وعادلة بعض الشيء لكان لشاكوش وضع مختلف اليوم ومن يدري، لم يكن ليكون مطرب أصلا ولم يغني المهرجانات، بل كان ليكون لاعب كرة قدم محترف. وأضاف أن الظروف المادية الصعبة في صغره كانت لها العامل الأكبر في اتخاذه القرار بالابتعاد عن كرة القدم تمامًا.