نستعرض معكم كلمات مهرجان مش هطلب ليكم اوبر (البنك الاهلى قفلتو)، غناء عمرو عاشور، من كلمات مصطفى الجن و محمد غباشى، وتوزيع حموى ريمكس، عازف اورج اسلام السعيد
يمكنك الاستماع إلى الأغنية من خلال الفيديو كليب الرسمي التالي:-
كلمات مهرجان مش هطلب ليكم اوبر البنك الاهلى قفلتو – عمرو عاشور
مش هطلب ليكم اوبر
دانا هحدفكو ب مينى كوبر
لو مشواركم هيطول
فى السكه هقزقز سوبر
سامحونى بدأت الرحله
دى حياتى من غيركم احلى
دانا كل ما اطلع رجلى
تغرز من تانى فى الوحله
احترت انا من عمايلكو
ساعتين قاعد احللكو
على قد ما شفت نداله
بصراحه ماشفتش منكو
دورو على ناس تسمعكو
انا لأ انا مش هنفعكو
انتو بتعملو رجاله
وانا كاشح الشغل بتاعكو
لفيت جدعنتى فى چوب
ورحت ممسى عليا انا بيها
بطلت خلاص بالحب
عشان كلها عماله ترميها
اصحاب غداره ولأجل سجاره
بتبيع يابا اللى شاريها
يا خساره ياخساره مش لاقى عباره
توصف اندال الجيها
ويندوز حلونى اتسطب
محفظتى بقت بتشطب
بتخبو فلوسكم منى
وانا كنت عليكو برطب
البنك الاهلى قفلتو
علشان فى النازل حالتو
انتو اتغيرتو معايا
بعد اما شبعتو و كلتو
سلكان من تانى بطلنا
وفى داهيه اللى يعطلنا
ياما عملنا وسوينا
ولا واحد حتى شكرنا
كلها نكرت جمايلنا
بس احنا ولا بيشغلنا
دا الكلب هياخد لفه
وهيرجع تانى ويجيلنا
العشق بتاعى دا يبقا فى كوم
والدنيا فى كوم تانى خالص
يكفينى اول ما بقوم م النوم
بفضل فى عنيها انا باصص
ساكن قلبها حرفى فى كتفها
ع المكنه واخدها و قارص
دى حبيبتى مفيش منها
دى رقم واحد والباقى ع البايظ
دلوعه ولا حد شاغلها
انا على ايدى مشكلها
كلها تحذر خط احمر
اعدام للى يبصلها
هتباكس ع المتباكس
هتأبد فى اللى يعاكس
ولا خوخ ياكل ولا مانجه
يالى انتو اخركو كلاكس
انا روح قلبى دى كايداهم
خمسه من العين راكناهم
مش شايفه بنات ع السكه
تتقارن مره معاهم
امورتى متين على ميه
من تحت لفوق طبيعيه
اخلعى بقا منك ليها
هتروحى فين انتى وهى
انا صاحبى الدون دا شيطان ملعون
مش شبه البنى ادمين
علشان واخد ع النقص
مفكر ان رجولتى كمين
مخبطش فى ناس جدعان
على كل لسان سمعته فى الطين
انا عازرو عشان تربية نسوان
مواليد برج الخاينين
انا على مبدأى من يومى
انا متلقب ب الكومى
ما يغركش العربيه
ولا الايفون وهدومى
انا شيك ونزاهتى فى دمى
تغلط هديك ما هسمى
عم اعمام العموميه
بيشوفنى يقولى ياعمى
ايها مخلوق شرفتو
برجولتى ياناس عرفتو
مش فارقه معايا الماده
تحت الجزمه اللى صرفتو
مبخدش عليكو جمارك
تقديرى للراجل السالك
من اجلو اخربها فى ثانيه
علشانو فى جهنم اشارك
عرضنا لكم أعلاه كلمات مهرجان مش هطلب ليكم اوبر البنك الاهلى قفلتو غناء عمرو عاشور، يمكنك أيضًا متابعة: كلمات مهرجان مش هعيش لغيري مكتوبة كاملة
