نستعرض معكم كلمات مهرجان في ساعة المصالح بيبقو سمنة علي عسل غناء امين خطاب، انتاج فيصل العبد، مكتوبة كاملة حيث تم صدور الاغنية على موقع يوتيوب
يمكنك الاستماع إلى الأغنية من خلال الفيديو كليب الرسمي التالي:-
كلمات مهرجان في ساعة المصالح بيبقو سمنة علي عسل امين خطاب
هعمر السلاح ومفيش سماح وهفترى
خسرت أنا فى اللى راح علشان بحب وبشترى
قلوب سودا وهباب ما بينضفوش لو إيه جرى
شافونى لوحدى محتاس كله سابنى وجاب ورا
لقيتكو مصديين ومركونين ولا تنفعوا
محيت عنكو التراب بإيديا وبقيتوا تلمعوا
وعلى حسى ابتديتوا تهيصوا وتدلعوا
هطيركو خلاص واتفلقوا ياكش تولعوا
تمد إيديك تساعد أى حد فى محنته
ولو واقع فى ورطة طلبتهم يستموتوا
محدش فى الحياة صالح وكله بتاع مصالح
خلاص عيشك وملحك بله واشرب مايته
بقابل ناس يمثلوا انهم ناس مظبوطين
ماتيجوا معايا سكة وعرفونى انتو مين
ليه عاملين فيها بس الأولياء الصالحين
وهما فى خبثهم يغلبوا مكر الشياطين
صحاب أندال يشدوا فيك معاهم تنحرف
طريق الكيف عمانى أذانى حاجة آخر قرف
ياشلة الفساد بلاش أشوفكو فى سكتى
كفاية عمري ضاع من غير هدف مالى اتصرف
فى ساعة المصالح يبقوا سمنة على عسل
يرنوا الف مرة لحد ما التليفون فصل
بتخلص مصلحتهم ولا حد بيعرفك
ولا بتشوف وشوشهم ولا حد بيتصل
ليه دايما الجدع الدنيا عادى تبهدله
تقفلها فى عينيه وتجيب نهايته وتسحله
وتدى الندل حظه 24 قيراط
لكن ابن الأصول بتوقعه وتشنكله
فى مركب الحياة الغلبانين بيغرقوا
بيبنوا قارب نجاة بس الظروف بتحرقه
فى ساقية ومطحونين بس فى حبة أمل
ولو فى مرة فرحوا عمرهم ما يصدقوا
ياأعداء النجاح فى أى حاجة جاهزلكو
ولو عايزين حكاية هجيلكو لو فى عبكو
نقف فارس لفارس والميدان يشهدلنا
أنا مابهيبش حد كفاءة بيكو كلكو
هسيبكو تجهزوا وتتكتكوا وتخططوا
ميشغلنيش عشان أنا قطر عارف سكته
ما هو الراجل يكون ثابت وأد كلمته
أنا بنفذ وأى حد أقابله هسكته
عرضنا لكم أعلاه كلمات مهرجان في ساعة المصالح بيبقو سمنة علي عسل غناء امين خطاب
يمكنك أيضًا متابعة: كلمات مهرجان علي الصحراوي ماشي قتيل مكتوبة كاملة غناء امين خطاب و مصطفى الجن
