• غناء: عصام صاصا
  • كلمات: عبده روقة
  • توزيع: خالد لولو

راجل ابن راجل مبجبش مشاكل
بس تيجي عليا انا هتحول هتشوفني قاتل
صاحب بيقدر في الدايقة يتصدر
ميعيش خبيث وخاين في الشدة بيتبخر
صباحكو فل يا بني ادمين اصحو لينا عشان راجعين
اي حد يشوف فيكو نفسو ننزل على وشه بكفين
مليون مسا عليكو يا اخواتي مليش غيركم في الدنيادي
مع بعضينا على اي حال علشانكو اضحي ياخويا بحياتي
اخوات وقلوبنا مش بتجلي واقفين في وش الدنيا تملي
لما يحسو يوم بغيابي عند بيتي تيجي وتندهلي
مشغبطين على اي مجال بلاش تيجي ع السكة يا خال
احنا مين يقدر يلاعبنا مع بعضينا يمين وشمال
وحيد الألماني يعني التوب مع أي حد ماشيها بالحب
والتعاون أرض الموت انتا معانا ساترها يارب
احمد حسن ده المتسيط اخصامه قدامه بتتخيط
ومحمد توفيق الزعيم على أي حد احنا بنتجبرط
اللي راح مع ألف سلامة ومش هنسي الابتسامة
حلمي يجري وهجري وراه مش هقضي العمر ندامة
بص اسمع مني ياللي انت مني
تطير رقبتي علشانك طول ما انتا حاببني
اما لو بايع هتشوفني صايع
وهكسر قلبك واجرحه اصل انا قاطع
انتي الحتة اللي بموت فيها عمري ما هبعد تملي شاريها
لمسة ايديكي بالدنيا بحالها بفرح اوي لما اشوف عينيها
احلى ضحكة وسط الخدود اجمل شفة واجمل عود
انتي حورية فوق الخيال اني اسيبك ده مرفوض
وقت الوجع بلاقي الجدع بيجيلي ويطيب خاطري
اما الندل ده ملوش حل في وشي يضحك يرغي في ضهري
انتو مين يا مبتدأين ابعدوا بقا يكفيكم شري
بقلب شيطان فكك يا مان عايش بقلبي انا تملي
افركلي سنتي على سجارتين يلا نعلي المود بكاسين
ولا اي حد يبني قادر يشغلنا احنا يبني عليكو جاحدين
متفكرش انك عنتيل قلبك يبني ناقص تعديل
متجيش وتعمل نفسك هيرو لاحسن قصادنا هتموت ذليل
حلك من شغل التكريت انتا في نظري شايفك عبيط

ما تعيش في دور عنتر جبنة لاحسن منا تلاقي تغفيل
احذر مني عشان جبروت تدخل طريقي تشوف الموت
سعرك رخيص في سوق الرجالة وانا سندال شايفك هلفوت
انا بقبل ومبرجعش اما انتا قلة واخرك طفش
جوه وبره فارض سيطرتي هنا تتسورج ياله متعيش
قانون حياتي ياخويا الجرأة خصمي في وشي هيلبس طلقة
يالله بالمطوة هقطع وشك اخرك يا هلس تنام في الطرقة
قلبي ميت مش بيخاف والجدع برجولة يتشاف
اما اللي يرسم دور مش دوره اوام في ثانية ياخد كشاف
متعيش الدور يا ابن الاصول خليك ثابت على مبدأ مهما الدنيا تدور
متهبش الموت خليك جبروووت
نفذ كل اللي في قلبك بس بكل سكوت