مهرجان: العصفور
غناء: فيفى محمد
كلمات: احمد غريب
الحان و توزيع: نادر السيد
صولوهات: مصطفى باسط
هندسة صوتية: محمد الجيار
مهرجان العصفور – فيفي محمد
كلمات مهرجان العصفور – فيفي محمد
زمايلنا عابوا فينا واخواتنا جم علينا
الكل ولاد لذينة ولا فيهم خير
واللي ماشيين معانا لعبوها من ورانا
كله خان الأمانة كلها عصافير
بطل نقل كلام يعني هتكسب كام
كل عمايلك دي قعدالك قدام
ناس غاويين تخبيط قلة ومش مظابيط
بقوا ماشيين بنظام ألبخ تكسب صيط
مفضوحة ومش مستورة وسطنا مليون عصفورة
وسواد القلب ياعيني مش باين جوه الصورة
العصفورة العصفورة مبتسكتش وشغالة
العصفورة العصفورة بتوقع بين رجالة
الصحاب مضروبة ماشية بالسبوبة
والرجولة يا عيني كلها بقت صيني
والله عيب عليكوا برضه اللي فيكوا فيكوا
ومهما بنراضيكوا جواكوا صفار
عالم جاحدة وغبية واخدين اللبخ غية
والكلمة عليها مية وبتبقى حوار
كله بيرغي كتير وتعبنا التحوير
والكلمة بتتقال تنقلها العصافير
مبقاش في جدعان ومحدش سلكان
كله معبي سواد فـ العشرة بيبان
الناس كلها هراية والكلمة بتبقي حكاية
قدامي بيضحك عادي وبيرغي يا عم ورايا
اللبخ خلاص بقى موضة والنية يا ساتر سودة
تلقيح وكلام مداري قال ويقولك مقصودة
زمايلنا عابوا فينا واخواتنا جم علينا
