القصه المنتظره بخرافة وجنون | مهرجان أبوالبنات | غناء وتوزيع أبوالشوق 2020
- مهرجان: أبو البنات
- غناء: ابوالشوق
- توزيع: ابو الشوق
- كلمات وألحان: محمد عليوه
- مونتاج: كريم الساحه
كلمات مهرجان أبو البنات أبوالشوق
كان ياما كان راجل بسيط الحال على قده
كان بالقليل مبسوط وراضي بأي شيء عنده
ولا يوم تفارقه ضحكته لو الزمن عانده
ميقولش غير الحمد لله لو الظروف ضده
واهو ربنا رزقه بجواز بواحدة من توبه
بقا عنده منها 3 بنات حلوله أيامه
بقا ليل نهار شقيان وداير عشان عياله
بيهون عليه تعب السنين لو بس ضحكوله
أبو البناااات … يسعى وربنا يرزقه
رزق البناااات .. عايش حياته بمبدأه
ربك كرييم .. جابر بخاطره موفقه
عدت سنين وسنين عليه .. وهو على حالته
تيجي الرياح فجأة بعكس ما تشتهي سفينته
مكانش يعرف الزمان مخبي ايه لبنته
الدنيا دوارة بحالات الحلو ومرارته
اتربصوها اتنين شباب بيها وخطفوها
لحظة شيطان عملوا الغلط وبعدها رموها
رجعت وفي عنيها الدموع لأمها وأبوها
صدمة كبيرة وعمرهم في يوم ما ينسوها
راح اللي راااااااح .. مبقاش فيه حاجة ترجعه
سايب جرااااااح .. الفرح فارقه مودعه
صوت الدموووووع .. مبقاش فيه غيره بيسمعه
بليل ونهار ماسكاه الحيرة .. ازاي ده يجرااااله
يدعي يارب يكون ده كابوس .. والدنيا تصفاله
شايف سواد قدام عنيه .. ميغيبش عن باله
الحزن متملك عليه …. والهم بقا حاله
نصيب مكتوب على الجبين … مش هو اللي اختاره
فضل يدور على الشهود .. عشان ياخد تاره
ووصلهم شافهم قصاده .. قوام قادت ناره
بص في عنيهم مرعوبين .. والغل في مراره
مسك السلاااااح … وخلاص هيضرب ضربته
قالوا سمااااااح .. بعد أما كحلوا دنيته
داس ع الزناااااد .. ريح غليله وكسرته
ياريييت يا ناااس .. لو تكسبوا فينا الثواب
ربوا العياااال … اوعو تسيبوهم للخراااب
اصل الفساد .. ليه ألف سكة وألف باب
داين تدان … واللي زرعته هتحصده
رب العباد .. قربلي بابه واقصده
واللي يتوووب .. عمر ما ربك يرفضه
غنى معاكو من قلبو ليكو .. أبو الشوق احساسه عالي
محمد عليوة ده في الكلام .. اسطورة دايما غالي
إدارة اتش ومبنهمدش .. احمد صعيدي فالي
المرج هنا عنوان البطولة .. اوعاك تكون هتفكر
مبتتعاملش الا المدافع .. على الأخصام تدمر
عمر حلبسة وخالد جودة .. كلام أفعال واكتر
وتحية لكل اللي سامعنا .. واللي في ضهرنا شكر
كلمات مهرجان أبو البنات – أبوالشوق 2020
