فيما يلي نعرض لكم كلمات قصيدة يا سلاب غناء محمد فريدون مكتوبة كاملة حيث تم صدور الاغنية على موقع يوتيوب
الأغنية من كلمات الملا سلمان الشكرچي العبدلي البغدادي والحان محمد فريدون.
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية يا سلاب غناء محمد فريدون مكتوبة كاملة
يا سلاب تاج حسين .. گلي وين لبّاسه
ايگلها اعله الترب جسمه .. و ذاك اعله الرمح راسه
گالتله و دمع العين .. يسچب عالوجن غدران
ادري ابراس اخويه حسين .. منصوب اعله راس اسنان
والنوب انشد اعله التاج .. هالبي توّجه الرحمن
والله يصعب اعله الدين .. غير حسين لو جاسه
يا سلاب تاج حسين .. گلي إلمن امودّيه ؟
يوجد مثل اخويه حسين؟ .. حتى ابراسه اتخليه
هذا ابن النبي المختار .. و المعبود يشهد بيه
ابوه المرتضى حيدر .. اتروط الأرض من باسه
يا سلاب تاج حسين .. تدري بالنبي جده
و أمه فاطمه و جبريل .. خادم ليه يهز مهده
اشلون اتجاسرت و اعليه .. تگدر توصل الحده
اعصيت الله و طعت ايزيد .. وابن ازياد و ارجاسه
يا سلاب تاج حسين .. يبن الخانت و ضلّت
ما تكفيك هاي الگوم .. كلها اعليه من چنّت
و انته سلبت منه التاج .. ايدك ريتها انشلّت
يخايب گطّعت گلبي .. و حيلي انهدم من ساسه
يا سلاب تاج حسين .. مهجة فاطمه الزهره
ترضه شيمته حاشه .. أروح اويه العده اميسره
و اعوفه اعله الترب عاري .. امخضّب من دمه نحره
امخذم و الصدر بالخيل .. عمر ابن سعد داسه
عرضنا لكم أعلاه كلمات قصيدة يا سلاب غناء محمد فريدون
يمكنك ايضا متابعة كلمات قصيدة مسلم غناء محمد فريدون مكتوبة كاملة
