نعرض لكم كلمات قصيدة (من مِصر، هُنا فـلَسْــطِين) مكتوبة اداء (ابراهيم فرج)
من مِصر، هُنا فـلَسْــطِين ???
كلمات قصيدة من مِصر، هُنا فـلَسْــطِين الشاعر ابراهيم فرج مكتوبة
من مصر كل تحيه لاخواتنا
.. الارض واحده واحنا نفس الطين ..
بنقول عليها اراضي محتله .. وليوم قيامتي اسمها فلسطين
.. انا اللي عرفته من صغري ..
ولسه ف قلبي بيلالي ..
بان الطوبة ف الرمله سلاح فتاك عن الآلي وان الطفل لما يموت
.. ويطلع كفنه م الدواليب بتمشي جنازته ف الشارع وترعب ناس ف تل أبيب
.. وحافظ واحنا بنقولها ..
يا بلادي عيشي حره ..
عنيا بتفتكر طلقة ..
ف جسم محمد الدرة
.. وفاكر بيتنا وانا قاعد
.. ف مرة اتهز ١٠٠ هزة وبفتح نشرة الاخبار لقيتهم فجرو غزة
.. لكن برده ف عينيا حاجات لجدي كان بيحكيها ..
عن الأرض اللي لونها احمر بدم اللي اتدفن فيها ..
وعن حواديت ف بيت مصري وكل يومين تبكينا ..
اكيد فيه حد من عيلتك مسك رشاش عشان سينا اكيد ف العيله عندك حد وقف ع الضفه بيحارب وعندك حد من دمك وقف خدمة ف راس غارب وعندك صورة ف الصاله لجندي متعرفوش برضه وعارف بس انه ف يوم عبر علشان تعود ارضه وعينك كل يوم بتقول بلادي بكره هتكوني ..
وقلبك مهما قالو سلام شايفهم جنس صهيوني ف انا هفضل بغني معاك ف حرب بتبتدي برقصه واعلم ابني بكره يقول اكيد هنصلي ف الأقصي واعرف قلبه بفلسطين
وليه اتشالت من الچي بي اس واقوله بكره تعرفها وقلبك وحده بيها يحس..
واخلي قلبه متطمن بان الناس بتوع اشاعات واقوله ان العدو بتاعنا مخادش ف ايدنا ست ساعات واقوله بانهم خاينين وقتلو اخواتنا وعيالنا ..
وطول العمر نكرهم ..
لازم تتقال لأجيالنا ..
وان مفيش سلام بينا ..
وحق اخواتنا مش هيضيع ..
واقوله ان احنا طول العمر .. هنرفض فكرة التطبيع ..كتفك ف كتفي يا اخويا متخافشي ..
وافديك بدمي وقلمي ولساني ..
ايام زمان اتحررت بلدك ..
والوعد بينا نحررك تاني ..
انت اللي دايما كنت صاحب حق وعدوك انت كان ف صلبه عيوب ..
وجع الرصاصه ف صدرنا اضعف من ايد عيالنا بيحدفوه بالطوب ..
هو الجبان اللي خايف وعارف ..
فاكر بانه موهبة فزة ..
اضرب صاروخ من قلب تل ابيب .
. هتلاقي ألف هييجو من غزه ..
من مصر كل تحيه لاخواتنا ..
الارض واحده واحنا نفس الطين ..
بنقول عليها اراضي محتله ..
وليوم قيامتي اسمها فلسطين
