فيما يلي نعرض لكم كلمات قصيدة مسلم غناء محمد فريدون مكتوبة كاملة حيث تم صدور الاغنية على موقع يوتيوب.
الأغنية من كلمات محمد السقاي والحان محمد فريدون.
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية قصيدة مسلم غناء محمد فريدون مكتوبة كاملة
مُسلم ضَربِته المحتوم يلحَگها
العِيون ابشَطرَة الهامات يفْرِگها
اِنتِهَض مَوّات يوم اللي اِبغدرهُم حَس
اْو مِن شافوه مِجدِم صار بيهم مَس
اِلجِهَنّم صاح لَتگلّيلي كافي اْو بَس
أودّيلچ حطب والنار تحرگها
شَد الهِمّه والعِمّه اْو عَليهم شَد
اِبتِدرَوا أوّل اْو تالي الِمْجَرَّب هَد
مِثل صفين جَرَّد عالعساكر حَد
وَانفاس الزلِم بالرّهبه شَهّگها
عِلَت بيض الهَنادي اْو صار طَگ اِبطَگ
اْو عِلَه التكبير اُهُم باطِل اْو مُسلم حَگ
مِثل موسى العصا سيفه اْو بَحَرهُم شَگ
عُبَر للمَجِد والجيمان غَرّگها
دَمدَم على الكوفه اْو زَخ مُطر مِن دَم
كثَّر مِن ثِواچِلها اْو عِلاهِن هَم
المُؤرِّخ تاه تِعداد الچِتَلهم چَم
وِادروب المَفر بالجِثث غَلَّگها
مَتهِزّه الهزايز وابجَمِعهُم هَز
غِليظه اِرگاب صِمصام الهِواشم حَز
جِيمه مِن عُگُب جِيمه المُعسكر دَز
اْو بيها ايچَوِّم اْو عِزريل يخنِگها
مامِش چاره شافَوا، وِالِبصَفهُم فَر
حفروا للغدِر حُفره اِبمعاوِل شَر
أويلي اِعله الذي مَيطيح طاح اْو خَر
اْو عَليه اِتحاوِشَوا واِعيونه زَرّگها
تِگيَّد واِنگطع مِنّ الأمل كِل ظَن
اْو مو لِجروحه لَجل اِحسين مُسلم وَن
سَلام الموت سَلَّم مِن بِعيد اْو حَن
اْو حَگها اِبهمها روحه تِنقبُض حَگها
عرضنا لكم أعلاه كلمات قصيدة مسلم غناء محمد فريدون
يمكنك أيضا متابعة كلمات قصيدة ممنوع الملام غناء محمد فريدون مكتوبة كاملة
