نعرض لكم قصيدة مستورة مكتوبة غناء وكلمات إبراهيم فرج.
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية مكتوبة اداء مستورة ابراهيم فرج
اكتر من ست شهور مكتبتش حرف تخوف وتقلق ..
اما انك تمشي خلاص قدمت متخوفنيش ..
انا دلوقتي الشهر التالت ف فراقك ومازلت مكمل وبعيش
اللي يسبني ف وقت الشده ووقت اما ارتاح يرجعلي ميلزمنيش ..
قولي مشالنيش
ما انتي مصونتيش ..
حق العشرة اللي اتقطعت بنا ..
حق سنين قضيتهم من عمري بقرب مترين وتقربي سنه ..
الحاصل دلوقتي ما بينا .. كل التأكيد كان فيه إن ..
وانا مش هرجع ..
اجلد نفسي علي سريري وافكر او اجيبلك م الماضي حاجات ..
انا عمري ما خدت ف حبك حق وسبتيني لجلد الذات ..
عني ما شوفتك ..
ولا عاوز اعدي ف اي طريق انا وانتي دخلناه ..
الباب المتوارب ليكي ف قلبي خلاص اتفضت وقفلناه ..
خلصنا الشيفت قفلنا الدكان والملح اترمي والعيش كلناه ..
انا عمري ما اشاور علي واحده واجيب في سيرتها ولا اذكر ف اسامي
وده مش علشان انا اهلي صعايدة وناس جدعان او دمنا حامي ..
لا انا قصدي ان انتي اقل اني افكر فيكي واجيب سيرتك مرة علي لساني ..
انا مش هرجع ..
ولا هستحمل ..
وهبطل اقول لا مش قاصده ..
وهبطل احل ف مشاكلنا ..
تبني ف خناقات ..
وانا واقف اهد ..
كبر المبني ومقدرتش اسد ..
بصينا لشكله ف عين الناس
ونسينا نبص لشكله ف عينا ..
المبني بيحلو بكل خناقة ما بينا ..
بصينا لفوق قولنا الله وعجبنا ..
افتكري ان انتي اللي بنيتي المبني
وانا مش هستني ان اسمع رايك فيا وانا بسيب واستغني ..
انا قولت اما الحق نفسي ..
ولا اني اشوف البيت ده وهو بيتهد علي دماغنا
حظك سيء
انتي وقعتي ف شاعر سايب كل اللي وراه وقاعدلك
وانتي وناسك واللي ف صفك وهيتشددلك ..
قولي مشالنيش ..
قولي اللي ف قلبك وف نفسك
قولي اللي تحسي انك فيه مظلومه ..
وانتي ف اكل الحق متتوصيش ولا عايزة عزومه ..
ابو ام الشارع مش همشيه ..
لو بس هشوفك ف خيالي او افتكرك فيه ..
اقسم بالله اني انساكي انا كده وجبت ..
انا عمري ما خنت اللي مابينا ومبعدتش ولا سيبت ..
انا ياماما حاربت ..
وخسارتك بالنسبالي انك قدام الناس كسبانه وقدامي انا وانتي خلاص عارفين اني كسبت ..
انتي متتحبيش انتي يدوب تتسابي ..
اللي مقدرش وجودي مبترددش اني ابهره بغيابي ..
ف انا بس مجرد بنقلك كلمه واوصلك صورة ..
انا وانتي هنبقي ف نفس الشارع وانا رافع راسي وعينك مكسورة ..
وانا والناس الشعبيين زي حالاتي علي قد ما بنحب بنكره
مستورة
عرضنا لكم أعلاه كلمات قصيدة مستورة أداء إبراهيم فرج
يمكنك أيضًا متابعة: كلمات قصيدة حماة النيل مكتوبة كاملة اداء ابراهيم فرج
