كلمات اغنية خلينا صحاب الجزء الثاني مكتوبة كاملة القاء عمرو حسن القصيدة من كلمات عمرو حسن
يمكنك الاستماع إلى أغنية خلينا صحاب الجزء الثاني من خلال الفيديو كليب الرسمي التالي:-
كلمات اغنية خلينا صحاب الجزء الثاني القاء عمرو حسن مكتوبة كاملة
حظها الاغبر خلاها تسيب كل المخاليق وتفكر فيه
كان يوم منحوس مش طلعاله فى الصبح شموس
لو جه صحابها يوم سألوها ليه بتحبيه
عايشه متبعاه
، وكأن الدنيا بتبدأ عنده وتخلص بيه
ويقولو يبنتى دا مش شبهك فـ تقول حباه
، يا ستي دا مش عاوزك فـ تقول عاوزاه
علاقه من طرف بائس يا حول الله
قصادها الدنيا وما فيها وناس عاشقين ،
وناس شاريين وناس دايبين ،
لكن هي …! اااه هتقنع مين ؟
مفيش فى عينيها خلق سواه ، مفيش غيره فى وزن يطب
وادي القصه وادي المعاناه وادي الـ جيباه مرآية الحب
بتبعتله وتستناه ، وتدعيله وتترجاه ، وتنتظره وتتمناه
وهو دا حب بالذمه ! دا إسمه عقاااب
، لحد ما خدها في مره حماس ودلدق منها الإحساس
فجالها الرد خلينا بجد اصحاب .
بنرجع خطوتين للخلف وبنشوفها بتصدم حد وتقوله الكلام ذاته
، بترمي حد بحجاته لعطف الناس
، وبنشوفها فى نفس المشهد الثابت بتشرب برضو نفس الكأس
يادي الدنيا اللي عجنانه
، وعامله مشكله معانا وسيبانا بدواير كل يوم تتعاد
مفيش لحظه علينا تمر بدون ما تجيب ضحايا جداد
صاحبنا ، زي ما في بالكم ولا في باله
، بيرمي بياضه علي البنت اللي في خياله
وهي ولا واخده بال منه ولا بـ ولا حاجه حساله
يحب القط خناقه ، يحب الشخص قتّاله
يعدي اليوم وراه اليوم ، يعدي الشهر والتاني
وصحبتنا بتستناه ، املها كله علي لحظه يفوق فيها
يخل توازنه فى الدنيا ويشعر وقتها بيها ،
تخيل واحده بتقرر تضيع عمرها في سراب
، لواحد مهما تعمله حاططها في خانة الاصحاب .
و الله احنا نستاهل
، وتستاهل عشان قفلت عينيها بـ ايدها علي اوهام
وقبلت تبقى آخر واحده كاتبها في ليستة الأحلام
، وقبلت يجي يحكيلها غرامه لواحده مش قبلاه ،
دا ملعون الهوا لو كان يذل الشخص قدام اللي عاوزه معاه .
تصحي تقرأ بوستاته ، تتابع صوره وكلامه مع الناس اللي فى حياته ،
وتكتب اسمه على القلب الحزين بالجاف
إذا شافت في يوم اسمه علي التليفون دا يوم العيد وما ادراك
، ترد كأنها في ثانوي وجابت طب
يا عينى حل مش طايله وعايزه تحب ، شوف الحكمه !
شوف … يجيلها مره شاعر شاب تقوله ياريت نكون أصحاب
، وبعد سنين تحب فلان ويصدمها ويجري لواحده مش شبهه
تكون بتحب شاعر شاب بيكتب شعر دلوقتى ومهملها .
تكون الدايره دايره ازاى بدون اشخاص تكملها !
وتبقي الدنيا دنيا ازاى بدون حرقه هوا واعصاب ،
عشان فى المشهد الكامل نعيش اغراب ،
واللي زمان قالك اصحاب خلينا
، دلوقتي بيتقاله في وشه خلينا اصحاب
… خلينا اصحاب .
عرضنا لكم أعلاه كلمات قصيدة خلينا صحاب الجزء الثاني القاء عمرو حسن، يمكنك أيضا متابعة كلمات قصيدة يا الحبيبه القاء عمرو حسن مكتوبة كاملة.
