اغنيه: لسه إيه
إخراج وغناء: عمر غالي
كلمات: عادل العش
ألحان: عمر غالي
توزيع موسيقي: ماهر الملاخ
مونتاج: بانيز
Omar Ghali – Lessa Eh (Official Music Video) عمر غالي – لسه إيه
كلمات اغنيه لسه إيه عمر غالي
خلتينى استنّى جنبك
خلتينى بديل لقلبه
خلتينى استنّى حبك
و انتى مستنيّه حُبّه
تبعدى كل امّا اقرب
تندهيلى كل ما انسى
واما بسأل عن قرارِك
بتقوليلى يا روحى لسّه
لسّه ايه؟
ده البُكا تبكيه فى حُضنُه
و اما حُضنُه يضيق تجيلى
بتروحيلُه لما ييجى
و اما بيغيب ترجعيلى
و الفَرَح يملا كيانك
ضحكتِك تشرق حياة
لو يقولك كلمه حلوة
و تلمحى لمعة عينيه
لسّه إيه؟
لسّه هنقابل بشر
يعشقوكى من عينيكى؟
لسه هنقابل بشر
يحسدونى ان انتى جنبى؟
و الحقيقه ان انتى جنبى و مش لاقيكى
لسه إيه؟
أعشق أخاف
أبعد أخاف
تحتاجينى أبقى ضهرِك
و انتى شايفه الناس قصادك
و انا ضهرك فا مش متشاف
أبقى حضنِك فى الخطر
و أملَى كل الكون مطر
لو سنينك كات عجاف
تمسحينى و تكتبينى
بين دفاترك بالرصاص
و اكتبك بحروف تنور
كل عمرى بحبر جاف
كل دفتر من دفاترى
ما فيه غير اسمك عليه
لسّه إيه؟
لسّه هنقابل بشر
يعشقوكى من عينيكى؟
لسه هنقابل بشر
يحسدونى ان انتى جنبى؟
و الحقيقه ان انتى جنبى و مش لاقيكى
لسه إيه؟
ف إوعى تيجى تندهينى
يوم ما ابطّل توحشينى
يوم ما اقرر إنى هنسى
و ان سألتى عن رجوعى
الإجابه هتبقى “لسّه”
