فيما يلي نعرض لكم كلمات اغنية 2نوفمبر غناء زياد الدساس مكتوبة كاملة حيث تم صدور الاغنية على موقع يوتيوب
الاغنية من كلمات زياد الدساس والحان فري بيت ومكس وماستر ايهاب سمير
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية 2نوفمبر غناء زياد الدساس مكتوبة كاملة
هعتبرك صفحه سودا في حياتي و قطعتها
و ندمت دلوقتي إني بحبك و اديني ندّمتك
بـ حق كل دمعه نزلت من عيني و عيّطتها
انا عرفتك على حقيقتك لما سيبتك
عُمري ما عيبتك .. فهمتك غلط و حقك عليا انا بتأسفلك
زمان اما كانوا بيغلطوا فيكي كنت بدافعلك
بس لكل فعل رد فعل و بـ خيانتك ليا بدأ فعلك
سألتك ايه اللي شافعلك ؟ .. قولتيلي ” مكنتش نافعلك “
و عايز اقولك إنك بقيتي ولا حاجه بالنسبالي
يعني ولا انا بحبك ولا انا كرهتك
مبقتش بحكي عنك و بمشي اما بيجيبوا سيرتك
مين وقف معاكي في ضيقتك إعترفي إني شيلتك و عينتك
بس دلوقتي .. انا ندمت إني آمنت حتة بنت من عيّنتك
ياريتني ما كنت آمنتك .. ياريتني ما كنت قابلتك
دلوقتي بس عرفت قيمتك ..
بإختصار انا كنت خسارتك مش انا يعني اللي خسرتك
و زي ما فهمتك إني عيني مش بتبكي غير عـ الغالي
بس إنتي رخيصه فـ مكتوبلك إنك تبكي بدالي
و حياة سهر الليالي ..
انا اتمنيت احب زعلي و خيبات آمالي عشان يبعدوا زي ما بعدتي
و حُبك الزايف بقى شبه موهبتي ..
مهما اكتب و احكي اللي بيسمع بيعمل مسمعشي
و حقك عليا معلشي ..
انا كنت غلطان لما شوفتك بنتي
كنت غلطان لما قولت ” هتبقي “
يوم ما بعدنا كلهم سألوني عنك بس محدش سألني مالي
و الحُزن كان مالي قلبي و اخبي و اقول ” انا لا ابالي “
و من جاور الرخيص يرخص مهما كان سعره غالي
انا صوتي اتنبح شافونا شبه بعض ازاي ده مفيش وجه شبه
حُبك هبل .. وردِك دبّل .. و مفيش امل
السِم كان جوه العسل يا عسل
خساره فيكي الحُب و الندم و الزعل خساره فيكي الغزل
خساره فيكي إني كنت باجي عـ الكل و اكدّب كلامهم
اديهم طلعوا كلهم صح .. و قلبي انا اللي إتخذل
يا ديني عـ الضحك .. علمتيني و اتعلمت
زعلتيني و اتألمت غفلتيني و انا صدقت
دخل عليا دور ” بحبك ” و المسكنه
حبيبك مش انا .. طبيبك مش انا
شكلك غلطتي في العنوان يا عِشرة السنه اللي كانت بـ ألف سنه
بالهنا .. و الشفا بكره هتيجي متشحتفه و بأحزانك متكتفه
و مش هفرحك ما انا كنت مطرحك قبلك يا مُتخلفه
الحياه ” سلف و دين ” كنتي مستنيه يعني نبقى فين ؟
مش انتي اللي مشيتي و انا مسكت فيكي بـ إيدين !!
خلينا باعدين , و لو عـ الحُب و الذكريات هيتنسوا بعدين
و لو عـ الدموع هيعدي عليها وقت و تخلص من العين
متغُركيش الطيبه .. انا جوايا كبرياء يهد ألف زيك
فـ مينفعش يعني اني ابقى متغفل بحاول اقفل اي سكه ما بينا
عشان مفيش رجوع لأن مفيش مُبرر
و إقروا الفاتحه لـ قلبي ..
لأن موته كان زي النهارده من سنتين ٢ نوفمبر
عرضنا لكم أعلاه كلمات أغنية 2نوفمبر غناء زياد الدساس
يمكنك ايضا متابعة كلمات اغنية رقاصة غناء زياد الدساس مكتوبة كاملة
