أغنية مسلسل هنعيش ونشوف الجديد بصوت لينا شماميان المقرر عرضه على قنوات dmc وذكرت قناة Aroma Studios علي اليوتيوب ان المسلسل لتكريم المرأة، تقدمه الدراما المصرية للمرأة من خلال عرض مسلسل إلا أنا، حكاية ورا حكاية لأبطال وأحداث حقيقية لـ 6 سيدات في مسلسل واحد كل حكاية في 10 حلقات.
- كلمات: تامر حسين
- ألحان: عمرو مصطفى
- غناء: لينا شاماميان
- توزيع: نادر حمدي
كلمات اغنية هنعيش ونشوف من مسلسل إلا أنا – لينا شاماميان
هنعيش ونشوف معاناة وظروف .. والفرحة ح ترجع من تانى
والدنيا هتبقى مصالحانى .. حالنا بيتغير فى ثوانى
وفى غمضة عين
فى سباق ماشيين .. وفراق وحنين
الشدة تملى تقوينا …. وتبين مين قلبه علينا
على حس الأمل اللي مالينا .. عايشين راضيين
دا ياما حكايات .. أولها ناس بتنسى .. وآخرها حب لقيناه
عوضنا على اللى عشناه .. و ياما حكايات
و ياما حكايات خلت حياتنا احلى .. والصعب ياما عدى
وتعبنا كله نسيناه
فى طريق مقفول اول مـــا نقول
يا رب بتفرج فى دقيقه .. وتروح الأوجاع والضيقه
لو سألوا مجرب دى حقيقه .. مين عاش مهموم
حتروق حتروق .. والناس حتدوق
طعم الأيام وأحلى ليالى .. وسعاده مخطرتش فى بالى
يوم فى النازل يوم فى العالى .. ولا شئ بيدوم
احساس جواك تلاقيه قواك .. وتقوم على رجلك من تانى
و تقولها لنفسك دا زمانى .. دا انا ياما ايمانى دا قوانى .. وبقيت فى ذهول
ايام ورهان.. على مين كسبان
والشاطر هو اللي يعافر .. ميقولش تعبت ومش قادر
اصل اللى بيصبر للاخر .. على طول بينول
