- اغنية: هبوب المفارق
- كلمات: شجاع بن عبدالله السبيعي
- اداء: فايز الدوسري
فايز الدوسري – هبوب المفارق (حصرياً) | 2021
كلمات اغنية هبوب المفارق فايز الدوسري مكتوبه
ياوجودي لاقبل الليل والخاطر حزين
كن في عيني من النوم شيًّ سارقه
لابغيت انام صحّاني الجرح الدفين
طارقن باب السهر يوم جيته طارقه
واكتب امن الشعر وارتب الافكار زين
كل طرقن في بحور القصايد طارقه
كل ما ذعذع هبوب المفارق والحنين
قام يشعاني هبوبه واخايل بارقه
لاجله اللي مالقينا مثل زينه ثنين
كنه امن الناس والزين ربي فارقه
العيون اوساع فيها من السحر المبين
داخلن في وجهك امن السهوم الزارقه
الوصايف ؟ كني اشوف وصف الحور عين
وصفها من باب واقع وقدره خارقه
لاادبرت قمنا نتعوذ من ابليس اللعين
ولاقبلت تقول شمسن علينا شارقه
مستحيل انك على الارض هذي تسكنين
فارقه في وصفك وفي جمالك فارقه
طاري الفرقاء مواجع وقهْر ودمع عين
المفارق جمرتينٍ في المحاني حارقه
وكان تبغين المفارق ودرب الراحلين ؟
ولاتهمك عيني اللي لعينك غارقه
خدك ومسبمك وعنقك وباقي حاجتين !
لازم اسلم عليهم قبل لا افارقه
شجاع بن عبدالله
