نعرض لكم اغنية عنفوان العاشقين مكتوبة غناء بدر الشعيفاني كلمات ابراهيم الزراقي.
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية عنفوان العاشقين مكتوبة غناء بدر الشعيفاني
استمات القلب من عنفوان العاشقين
وانصدم لحظة غروره بشي من العذاب
غافلن عن صطوة الحب بين الدالهين
ما دريت ان الهوى للهواويه عقاب
قلت يمديني على الثقل مثل الطيبين
غرني عقلي وسن الفتوه والشباب
يوم شفت اللي تبختر على الدنيا بـ لين
انهزمت وطحت تحت الاشده والركاب
والله اني ماقدرت اتماسك لحظتين
قدم عينن لعن ابوها مثل شلفا ذياب
وين راحت قوتي في متاهات السنين
ليه اهاب من المحبه وانا ماكنت اهاب
ياجميله صابت عيونك الضلع المتين
بس يازين الوجع من عيونك والصواب
انتي اللي ما رحمتي قلوب المسلمين
كيف عاد العاشق اللي يروعه الغياب
وانتي اللي تستحقين مالا تملكين
من كنوز الارض ومن الحفاوه والرحاب
وانتي اللي مايضاهيك غير الاكسجين
والورود الطايفيه مع انسام الضباب
طاولي في عنجهيتك حد الفرقدين
وانزلي مثل المطر من عناقيد السحاب
وألبسي في عنقك من الغلا عقدن ثمين
جعل يفدى عنقك الطايلات من الرقاب
واضحكي للوقت من حقك انتي تضحكين
واستبيحي فلسفة كل شي الا العتاب
والله انك يوم تمشين بين العابرين
ودي ان الارض تحتك ذهب ماهي تراب
ماندمت الا على وقتي اللي راح وين ؟
والسنين اللي بدونك مثل ريش الغراب
ادري انك موتن احمر وطلقة مارتين
لكن الدنيا بدونك كآبه واغتراب
صار يطويني على طيفك الجو الحزين
واتصدد لا ذكرتك عن وجيه الشباب
وصرت اخاف من الجفا والموادع والحنين
واتحسس من ذهابن بلا موعد اياب
يابعد روحي وقلبي تراك انتي ضنين
في هواك اعيش بين الوساوس والرهاب
ادركيني فالهوى كان ودك تدركين
لاتخليني وانا من عزيزين الجناب
عرضنا لكم أعلاه كلمات أغنية عنفوان العاشقين غناء بدر الشعيفاني
يمكنك أيضًا متابعة: كلمات أغنية من برودك مكتوبة كاملة غناء شمه حمدان
