• اغنية: الثورة المعري
  • كلمات وغناء: المُعَرّي.
  • أغنية بطريقة الراب للمغني المُعَرّي بمناسبة حلول الذكرى العاشرة للثورة السورية.

عَقْد الثورة .. المُعَرّي.

كلمات اغنية عَقْد الثورة المُعَرّي

قابض على جمر الثورة وقاطع للحرية عهود
عاشر عام دايم أصلا عقد و منضل فيها عقود
عشناها بقصف وتهجير وضلت فينا مع كل نزوح
ولو قتلونا ومتنا فيها بتضل فينا لو شالوا الروح

لو قد ما وقعتوا عقود قد ما جهّزتوا جنود
قد ما عملتوا مؤتمرات القمة وارسلتوا وفود
قد ما سيّستوا دقون وبمصاريها عبيتوا بطون
بتضل الثورة بأسمنا وثورة الشعب ما بتموت

صامد .. والشعب لن يُهزم ثائر .. بوجه من أجرم
سنواصل .. مسيرة الثورة ولو قمعونا في قلب حُفرة
(×2)

نمحي قدسية البعث نفضح جريمة الانقلاب
نحيي حرية النفس ما نخاف نحكي بالآراء
نكون أجيال مو عساكر طلاب مو طلائع
شوراع بلا صور القائد ونصب وتمثال

رح يتحرروا معتقلينا وتاريخا يخلّد أبطال
والاسد يكون بصفحاتا قاتل ومعتَقل الاطفال
و أبناء تكمّل خطاوينا تفهم الثورة بكل سنينا
بهتافات تزين ليالينا وكل سنة ذكراها احتفال

صامد .. والشعب لن يُهزم ثائر .. بوجه من أجرم
فنُواصل .. مسيرة الثورة ولو قمعونا في قلب حُفرة
(×2)

وزرائك تنهب خزائن .. طيرانك يهدم مدائن
وجيوشك تفتح مدافن .. وبصوتنا نشيل الكل
عشنا ثورتنا بنعيما و بحلوا و مُرا وأليما
وحلفائك نهبو أراضينا وانت وحكمك تنذل

قابض على جمر الثورة وقاطع للحرية عهود
عاشر عام دايم أصلا عقد و منضل فيها عقود
بكل صوت وبحة وصواريخ ونزحة بكل هم وفرحة
وهتاف وصرخة فكرة منرسخا ثورة الشعب ما بتموت

صامد .. والشعب لن يُهزم ثائر .. بوجه من أجرم
فنُواصل .. مسيرة الثورة ولو قمعونا في قلب حُفرة