فيما يلي نعرض لكم كلمات اغنية عسر المراجل غناء جفران بن هضبان مكتوبة كاملة حيث تم صدور الاغنية على موقع يوتيوب
الاغنية من كلمات عبدالرحمن بن سعد بن راعي والحان جفران بن هضبان ومن قصيدة مهداه إلى / عبدالهادي بن عبدالرحمن بن راعي العرجي
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية عسر المراجل غناء جفران بن هضبان مكتوبة كاملة
انجلا ليل الغياب ابتدا نور الظهور
الظهور الي يكفّر عن ذنوب الغياب
والله اني خابر انه لحق مني قصور
غير ذا الليله ترا ماهي بـ ليلة عتاب
مرحبا يا ضيوفنا زاد نور الحفل نور
ارحبوا ثم ارحبوا والله ان ذا الليل طاب
مرحبا على اشقر البن والمدخن يدور
والشحم فالاً لكم يا عزيزين الجناب
يا ابن هضبان استلم وانت مبدع ومخبور
من لحونك يلعب الشايب وكنّه شباب
شربت لي من دلة الشعر فنجال
خلاني آخذ في سما الجزل حومه
والفكر هاض وزان لي بدع الامثال
واستدرج الهاجس وهاكم علومه
خليت منهو يعشق البحر فالحال
من يقدر يعومه ومن لا يعومه
فوق السما كني ولا حولي ضلال
شفت القمر حولي وحولي نجومه
طرا علي منهو لطاريه تختال
بنات فكراً عن هزلها معصومه
عسر المراجل والمراجل لها رجال
وتبين في وجه الفعايل وسومه
عمي وعمي جعل يفداه الانذال
من خلقته ماقد تراخت عزومه
لو المراجل تنشرا يرخص المال
حوّل عليهم هادي وزاد سومه
طلق الحجاج ولصعيبات حلّال
المشكلة تخضع لشمّر كمومه
كريم يمنى كن يمناه همال
غيثاً على اهل الضان ردم غيومه
هذا وهو ماهو من رجال الاعمال
وشلون لو ماله مردم وكومه
ابو هلا وارحب تراحيباً جزال
وابو ازهله وابشر ومقضي لزومه
جمايله تصفق من الجال للجال
ماهيب محصوره على ابنا العمومه
اما عزم ولا تجمّل بـ رجال
الطيب عنده صار روتين يومه
ماهي غريبه دام منديل له خال
وابوه ابن راعي وتتعب سلومه
خواله الغلبا طحاطيح وجبال
وسبيع لا طروا الامور محسومه
اعضوده العرجان وافين الافعال
امن اصغر العرجان لين ابن نومه
تعّرف عزاوينا لا من الزمن مال
لا جا نهاراً فيه طيحه وقومه
وعبيدة المعنز عما كل عيّال
قوم الحمايا يوم كلاً وقومه
وقحطان ربعي والقبايل لها اجلال
احقوقهم تحفظ ماهيب أمهضومه
عرضنا لكم أعلاه كلمات أغنية عسر المراجل غناء جفران بن هضبان
يمكنك ايضا متابعة كلمات اغنية اقبلت يام تخافق جنابيها غناء جفران بن هضبان مكتوبة كاملة
