- كلمات: محمد بن دريميح
- أداء: مسعود بن شعفول
- توزيع ومكساج وانتاج فني: تون لايف
- تصميم: عبدالله البريكي
مسعود بن شعفول – سرا ليلي (حصرياً) | 2021
كلمات اغنية سرا ليلي مسعود بن شعفول
حبيبي دامني ارقبك ترجع ماعلي اخلاف
عسى يوم انتظارك بعد ذاك اليوم والحره
بعدها مالقيت الا الونيين وبديت المشراف
وانا اللي قد جهلته يوم ماجي له لو امره
سرا ليلي وانا بس اتوجد واذكر اللي طاف
واصفق بالكفوف ومقنع من الوصل بالمره
غدت هقوات وصلك في ضميري هرجت الصحاف
يطمن والجيوش تجول في بغداد منثره
وبعد ماجيت لي بعلمك دام القلوب نظاف
ترا كثر التصدد مثل سيلٍ يمحي الجره
عليك الله وامان الله لاعاد تعاون الحذاف
لواني مثل ضلع طويق ماهمه حصى الحره
يازين الوصل من بين الحبايب مايعد اسراف
تمادا فالوصل قبل الظروف اتعاود الكره
يحاربنا الزمن وظروفه اللي ماتعرف انصاف
لكن اصبر وابا اصبر عادت الايام مفتره
تقفي بك صدوف الوقت ياحبٍ ماهو ينعاف
مثل ماقفى رغم صملة جمال محمد الدره
لكن انسى من التفكير فالمستقبل الحواف
وعش لحظة غلانا اللي تجي فالليل مغتره
