Tameem Youness – Salmonella – تميم يونس – سالمونيلا – عشان تبقي تقولي لأ

  • غناء: تميم يونس
  • كلمات وإخراج: تميم يونس
  • توزيع: محمد زهير – محمد الفرة
  • جيتار: محمد عادل
  • كمان: محمد مدحت
  • استشارة موسيقية: أحمد طارق يحيى

كلمات اغنية سالمونيلا – عشان تبقي تقولي لأ

أنا شفتك مرة ف حتة في يوم وطلبتي لاتيه

فا هروحلك نفس الحته لحد ما أقابلك فيه

ومش همشي أنا قبل ما أخد رقمك ف ما تكسفنيش

وإن قولتلي لا يلعن أبو شكلك بكره يقابلك حد

يقولك لا تلقك طعامتك تيجي ف كرامتك تبقى

ويجيلك سالمونيلا

وتصحي فشله وتجري ورايا ماتلحقنيش

عشان تبقي تقولي لا .. عشان تبقي تقولي لا

عشان تبقي تقولي لا .. عشان تبقي تقولي لا

لو قولتيلي حاجة غير لا

ده أنا أجيبلك شبكة وشقة دورين حمام بتكييف

وأعملك بيتزا ف بيتنا بجبنة تشد بعيد

بتمنى أقوم من النوم جنبك ع قد ما أعيش

وعسيلي يغني ف فرحنا والكل يهيص

آه يا عيني يا ليل يا عيني وطلبتي لاتيه

ليه تقولي لا يا بيبي تقولي لا ليه

آه يا عيني يا ليل يا عيني وطلبتي لاتيه

ليه تقولي لا يا بيبي تقولي لا ليه

وأرسمك كده في الخباثة ما أنا أصلًا فنون جميلة

واشتركلنا مع صحابي اللي في نادي الجزيرة

يمكن أضايقك علشان أصالحك بس وأروح وأجبلك ورد

قبل ما نبتدي خدي جاكيتتي عشان السينما برد

بس لو هتقولي لا

البيتزا .. هقطعها .. هحدفها .. علي عسيلي

بيتزايتي .. وانتي مالك

وبكعبل خدي بالك والجاكيته

ههربدها والرسمه هفرتكها

أرفضيني بقرارك أنا عادي كده كده

بس هجري أقول لكل شاب أنك بنت مسكبه

بلا فرح بلا شقة عشان تبقي تقولي لا

هوبا عادي نسيتك فجأة

عنيكي طلعت لينسيز زرقة

معايا شنجن وانتي لا

عشان تبقي تقولي لا .. عشان تبقي تقولي لا

عشان تبقي تقولي لا .. عشان تبقي تقولي لا

كلمات اغنية سالمونيلا – تميم يونس والعسيلي

سالمونيلا – عشان تبقي تقولي لا – الفيديو كليب الرسمي

https://youtu.be/v8RQHJYmJcw

الجدير بالذكر أن تميم يونس ليس بالمطرب من الأساس بل هو ناشط على مواقع التواصل الاجتماعي ولديه الآلاف من المتابعين بالإضافة إلى أنه قد تخرج من كلية الفنون الجميلة ويعمل كمخرج إعلاني كما يمتلك قناة لفيديوهات ساخرة على موقع اليوتيوب تُسمى رسيني، تعد هذه ثاني أغنية لتميم بعد أغنية أي كلام التي صدرت في صيف عام 2018 وعلى الرغم أنها تتكون من ثلاث كلمات فقط إلا أنها قد حققت نجاحًا كبيرًا وصل إلى أنها شاركت في مهرجان الجونة السنيمائي.

اشتهر يونس في تلك الأغنيتين باستخدام مطربين معروفين للظهور معه في أغانيه حيث استعان في الأغنية الأولى بشارموفرز واستعان في سالمونيلا بمحمود العسيلي، أثارت الأغنية جدلًا كبيرًا واعتبرها البعض غير مناسبة للذوق وبأنها ليست لائقة للفتيات حيث يبدو أنها تُجبرهم على الارتباط بالرجال ولو لم يوافقوا على ذلك سينالون إهانات كثيرة. ولكن تميم يونس نفى أن يكون الهدف الأساسي للأغنية أن يكون ذلك بل وأكد أنها أغنية مرحة ليس المقصود بها إلا روح الدعابة فقط.

كلمات اغنية سالمونيلا – تميم يونس والعسيلي