نعرض لكم كلمات اغنية ساعة الشدة مكتوبة كاملة غناء الفنان جفران بن هضبان، الأغنية من كلمات عايض الهاجري والحان جفران بن هضبان
يمكنك الاستماع إلى أغنية ساعة الشدة من خلال الفيديو كليب الرسمي التالي:-
كلمات اغنية ساعة الشدة غناء جفران بن هضبان مكتوبة كاملة
هبت انسام القصيد وذعذع الغربي نسيمه
واستقام الشاعر اللي لاوقف يثبت مقامه
لابدع له بيت مايذبح على افكاره تميمه
يلفت انظار الجميع وتنصت الناس ال كلامه
خل عاد الشاعر اللي كلبو افكاره عقيمه
ماينوح الا لاناحت فوق الاغصان الحمامه
نعرف اشداد القصيد اللي مهوب اشداد ريمه
يستريح اللي ماعنده لاشداد ولا مسامه
اعرف اللي لاحتمى الميقاف اسميه الصتيمه
واعرف اللي مايسد النوب حتى من سلامه
يومي براسه تقل راسه مثل راس البهيمه
اللهم بس لابس بشت ولابس له عمامه
والقصيد االلي يجملني مع الاصحاب اهيمه
يحترمني في مواقيفي وانا اعطيه احترامه
في جناب (( مبارك ال ذروه )) يجي للشعر قيمه
الرفيق اللي يجمل سعد من حطه حزامه
كثر الله خير مداته ويمال الغنيمه
اليمين اللي عطاياها مثل وبل الغمامه
كل ماكبرت علينا فالمهمات الجسيمه
التفت في مبارك الذروه واشوف الابتسامه
ناجده يضحك وصعبات الدعاوي ماتضيمه
كن ربي مرسله فالأرض (( نبراس القرامه ))
في ضيافة مجلسه تلقى البشاشه والعزيمه
ذا مخلص له لزوم وذا مقلط له كرامه
النعم يستاهله من نونه وعينه وميمه
نفعة ربوعه هواه وذبحة الحاشي غرامه
هيلع ً مايلتفت لهل الردى واهل النميمه
من يسولف في قفا ضهره مايعطيه اهتمامه
الرفيق اللي مثل شرواه جعل الله يديمه
يتجمل وانتجمل معه ليووووم القيامه
نثني الركبه معه عند المهمات العظيمه
يحتزم في ساعة الشده ويلقاني حزامه
وان شكرنا ماهي ب لوحة شكر والا وليمه
غير والله فزعتن من باب طيب ومن شهامه
وانت من روس الرجال اللي فعايلها مقيمه
من قبل قصر الصباح ومن قبل قصر اليمامه
من صناديد ال زايد منبع الطيب وصميمه
لاعتزو خيالة الحرشا تعلو كل هامه
اقطعو روس الشيوخ وخلو العذرا يتيمه
في نهار ً ينطحن حربه مثل حرب الرغامه
من بني هاجر هل الافعال والاريا السليمه
يشهد معزي لنا من قبل لايصدر نظامه
والختام الله يهدينا على الحق ونعيمه
صل بسم اللي بعث نور الهدا واخفى ضلامه
ياصلاة الله على وجه اللي ارضعته حليمه
الرسول اللي نشر الاسلام واعلن الاستقامه
عرضنا لكم أعلاه كلمات أغنية ساعة الشدة غناء جفران بن هضبان، يمكنك أيضا متابعة كلمات أغنية صيحو في اذن ادهماً دوب معسوفه غناء جفران بن هضبان مكتوبة كاملة.
