الاغنية من كلمات فهد الخجمه والحان صالح اليامي
تم عرض الاغنية علي جميع المنصات الموسيقية بشكل حصري وايضا عبر قناة اليوتيوب الرسمية للمطرب
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية ربعي العجمان غناء صالح اليامي مكتوبة كاملة
يوم جا حل القصيد وهاض طاروق المعاني
شاعر ولا جبت بيت الشعر ماجا فيه خله
ما كتبت المدح في رجال ماهو مرحباني
ما يساق الا على اللي يعقد الحبل ويحله
والله اني محتري ذا الليل واعد الثواني
ثالث اعياد السنه وابرك ليال العمر كله
كيف ما ارحّب وانا ما اعده الا من اخواني
محزمٍ لي فالقسا وانا سعَده ومحزمن له
يدحم بجنبي عناد الوقت وادحم به زماني
جعل تفداه الرخوم وكل هافي فدوتن له
مرحبا على الشحم والعود الازرق والسماني
عند منهو فالمواقف مايضلل غير ظله
ياهلا يا مرحبا من قبل صح الله لساني
في محله والله يحيي ضيوفه في محله
هاجسي لا غبت مده عد ما حضرت عده
عند ابو راشد ترا ذا الليل ماهو ايات ليله
ماتعذر في لزوم الصاحب الغالي واسده
وانت خابرني سوات الذيب في راس الطويله
شاعر ووجهي طويل وممتلي محزم وعده
وحافظ حقوق الرجال وكل طيب مرتكي له
ما مدحت الا مديحٍ مشلح الامداح قده
وما كتبت المدح في روسٍ ليا وقفت ذليله
لي ثلاث شهور ارحّب مرحبا من قبل مده
مرحبا على الشحم والبن الاشقر زاد هيله
مرحبا باسم القعيط الين توصل بحر جده
مرحبا في حفل منهو ما يعرف المستحيله
وعند ابو موسى تقول ابيات شعري مستعده
والقصيده ما تليق الا عليه وفي مثيله
شايبٍ مايعرف الا عش ضيف وضيف غده
محتمي دون الرجال ومحتمي دون القبيله
يا جعل ربي يبارك محفل اللي مانعده
غير سيفٍ كل ما ضاقت بنا الدنيا نجي له
وارث الطنخه وراثه ورث ابيه وورث جده
شامريٍ لا وقف في ماقفٍ مافيه حيله
بورجا وان كان للمعروف حد اجتاز حده
ان وقف جمّل قبيله وان برك شل الثقيله
من تحزّم به لو ان سود الليالي جات نده
ما يضيق وما يضام ومايدور له بديله
من كرم يمناه ما به مدةٍ من فوق مده
ما يخاوي الا جزيل وما يمد الا جزيله
مايلده عن فعل يمناه ظرف وما تلده
ميلة الايام لا مالت يعدل كل ميله
محتزم في محزمٍ مليان ماقد باح سده
ال شامر وال شامر سعد من حن ننتمي له
العدو ملعون جده والخوي ما عنْه صده
وللمواقف ربعي العجمان وش لك بالطويله
والله ان حنا الدواهي كل ماجا العلم حده
يا سلام الله علينا عد براق المخيله
عرضنا لكم أعلاه كلمات أغنية ربعي العجمان غناء صالح اليامي
يمكنك ايضا متابعة كلمات اغنية نرهج الميدان غناء صالح اليامي مكتوبة كاملة
