اغنية: الوداع آصاحبي
غناء: مسلم
إلى روح المرحوم صديقي و أخي محمد البشري رحمة الله عليه وادخله فسيح جناته انا لله وانا اليه راجعون
مسلم ـ الوداع آصاحبي
كلمات اغنية الوداع آصاحبي – مسلم
صاحبي دبا راك مكفن و قبرك محفور
جات الساعة د الفراق حيث لازم و مجبور
أول مرة نخليك حيث بوحدك مختور
أول مرة نخليك و نرجع اللّور
شحال كنا صحاب و شحال كنا قراب
قدما كانت العشرة دابت فحال السراب
حيث ليوما عنمشي و نخليك بين الغراب
باليد لي كانت فكتفك كنرد عليك التراب
الوداع آ صحبي ، كنت العشير ديالي
خليتي موطعك، كانشوف فيه خيالي
و حيث مشيتي فحالك، حتى أنا ماشي فحالي
ورث منك ذكريات عمرا تمحالي
صاحبي مشيتي و خليتي دموعي تسيل
كا نحس بيك حدايا و فيدك منديل
و باش تمسح دمعة و لا مستحيل
حيث عمرك ما ترجع من بعد الرحيل
1 اللازمة
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فالقبر حيث ولى من الميتين
خلى غير الذكريات و القلب حزين
كنتي كتصلي حدايا اليوما صلينا عليك
كنتي ديما معايا ولي ما معايا عليك
كنتي صاحبي كنتي عشيري كنتي الخاوة ديالي
كنتي و غتبقى دايمان في بالي
الضحكة ديالك باقة فوذني كنسمعا
بعدما كنتي شريكي فالفرحة و الدمعة
بقيت اليوم بوحدي نبكي فحال الشمعة
دموعي تسيل فسكات و الصبر ما قد يقمعا
صاحبي دبا راك فالقبر و أنت المرحوم
وصل أجل موتي و أنا المصدوم
هذا هو المكتاب و حد ما عليه اللّوم
و اسمحلي إذا بكيت حيث لفراق مسموم
هذا المكتاب د ربّي
غادي نزطم على قلبي
بلا بيك غنمشي في دربي
الوداع آ صاحبي
الوداع آ صاحبي
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فالقبر حيث ولى من الميتين
خلى غير الذكريات و القلب حزين
صاحبي كان معايا مشى فرمشة عين
شد عيونو خلى غير عيونا مدمعين
مشى سكن فالقبر حيث ولى من الميتين
خلى غير الذكريات و القلب حزين
الوداع آ صاحبي
هذا القضاء د ربّي
غادي نزطم على قلبي
و غادي نمشي في دربي
الوداع آ صاحبي
الوداع آ صاحبي
هذا القضاء د ربّي
غادي نزطم على قلبي
و غادي نمشي في دربي
الوداع آ صاحبي
هذا القضاء د ربّي
غادي نزطم على قلبي
و غادي نمشي في دربي
الوداع آ صاحبي
