كلمات اغنية النغزه الأخيرة مكتوبة كاملة غناء الفنان زياد الدساس، الأغنية من كلمات والحان زياد الدساس وتوزيع وميكس وماستر إيهاب سمير وتم إصدارها رسميًا لأول مرة في 2022.
يمكنك الاستماع إلى أغنية النغزه الاخيره من خلال الفيديو كليب الرسمي التالي:-
كلمات اغنية النغزه الاخيره غناء زياد الدساس
مش قولتلك غيابي ها يبقى حاجه عاديه !؟
لسا في بالي اثنين عيال بـ يحبوا بعض من إعداديه
الحُزن معشش فيا , و بكره ها افرح؟ ما افتكرش
بقول مبفتكرش و اسمك اول كل Search
و مش لاقيكِ لسا فاكر يوم لما حضنتني
انتِ وحشتني
بس قوليي ازاي هونت عليك تسيبيني
طب عرفيني ازاي ابطل احن ليكي
قوليلي ازاي أنساكي زي ما نـ ستيني و أعيش بعديكِ
ده اللي بيجي بـ يبعد على شان لسا بحبك مش ها نكذب
كل حاجه بـ تتعب بُعدك اكتر شيء بـ يرعب
و اديكِ بعدتي عني و كل حاجه حلوه بعدت
غصب عني لسه بحبك و افتكرك و النغزه تثبت
كل ليل بـ اتنكد، انا مش قادر أعيش من بعدك
حُبك زي السرطان اللي كدبتي و قولتي انه عندك
ليه خلفتي بـ وعدك .. مش كان زماني لسا جمبك
كنتي في قلبي نغزه و انا ما كنتش أي حاجه في قلبك
كسر قلبي صعب يـ تلصم بـ جبس او جبيره
و المشكله الكبيره انا ما نستكيش بـ أزايز بيره
ما كانشي امير لكنه قلبه اختار اجمل اميره
امنيتي الأخيرة تبقى دي النغزه الأخيرة
كسر قلبي صعب يتلصم بـ جبس او جبيره
و المشكلة الكبيرة انا منستكيش بـ بيره
مكانش امير .. لكنه قلبه اختار اميره
امنيتي الأخيرة تبقى دي النغزه الاخيره
حاولت ابيّن اني تمام فضحتني عينيا ..
شوفنا أفلام و نسيت اشوف الفيلم اللي عملتيه عليا
كنت بحسك بنتي و بين إيديا و مشيتي خلاص
مسحتي كل احلامنا اكمني راسمها بالرصاص
و دي اخرة صبري .. تعبت خلاص فوضت أمري
ودوني لـ قبري , حزنت و متهمتش قمري لأمري
قولتلك ” خليكي ” بس إنتي سمعتيها ” سيبيني “
بنتي الحنيّنه كبرت و حلفت لا تربيني
عرفيني ازاي .. بعد اللي عملته على شانها ده كله اتساب
و بدون عتاب محتاج لـ حُضن بعد كده كملي غياب
فاكر ملامحك .. و لسا مازال في قلبي جرحك
انتِ يا لللي علمتني اسامح رُوحي الله يسامحك
هونت عليكي و انتِ ما زلتي مش بـ تهوني
يا نور عيوني ازاي تخوني لسا بجرحك بـ يعايروني
مش عايز اشكي .. و مش عايز لـ غيرك احكي
جابوا سيرتها في وسط موضوع قولت ابكي “
كسر قلبي صعب يـ تلصم بـ جبس او جبيره
والمشكلة الكبيرة انا ما نستكيش بـ أزايز بيره
مكانش امير لكنه قلبه اختار اجمل اميره
امنيتي الأخيرة تبقى دي النغزه الاخيره
كان عندهم حق لما قالولك اني مش ها انفعك
فـ غيبي لو راحتك في بُعدي براحتك مش ها امنعك
كنت ها اودعك .. بصيت لقيت ايدك في ايده
الله يزيده , قلبي لو ها يحب حد تاني هبيده
من يوم ما سابت قولت ” ثابت ” و انا بميل و بَقّع
هي عليا اغتابت , قلبي باهت مملي احزان و بُقع
شوفيني .. بعدك بقيت حزين و ايش صاير فيني
انا مش جميل ولا بالشكل اللي يخليكِ تحبيني
انا حزين انا .. و هي عايشه في هَنا
بـ اتمنى يكون ده كابوس و افوق من النوم ألقاها هِنا
كفاني حُزن كفى .. بعدها الفرح اختفى
كان صوتها بـ يحسسني بـ دفا في عز الشتا
راح فين حُبنا .. و ازاي طلعت وعودك فارغه ؟
عينيكِ كانت بحر كنت ابص فيها فـ اغرق
قولتلك : نرجع .. قو لتيلي : خلاص مش عايزه
بـ أتمنى اموت و ارتاح و تبقى ديا اخر نغزه
كسر قلبي صعب يتلصم بـ جبس او جبيره
و المشكله الكبيره انا منستكيش بـ ازايز بيره
مكانش امير لكنه قلبه اختار اجمل اميره
امنيتي الاخيره تبقى دي النغزه الاخيره
لما عرفت تعبك جيتلك و نسيت كل حاجه حصلت
كلمت كل صحابك و اتذليت عشان اوصلك
سألت ” بعدتي عني ليه ده انا مغلطتش في حاجه ؟ “
بكل قساوه قولتي ” مش راجعالك بقى كبر دماغك “
مسكت ايدك فـ اتعصبتي و زعقتيلي
قولتيلي انت اللي قتلت نفسك مش قتيلي
ازاي بسهوله تهدي عليا كل اللي بيتبني
ما تفوق من وهمك انا مطلبتش أصلا تحبني
طب نرجع على شان خاطري .. – ملكش خاطر عندي
امشي .. مش همشي
ده انا محدش حبك قدي
قولتلك بحبك واستنيت اني اسمع رد
فـ انصدمت خلاص يا زياد احنا ما ننفعش لبعض
كانت بـ تكلمني و تحرجت و عيني جات في الأرض
صوتها اللي بـ يطمني كنت سامعه في ودني رعد
اخر كلام مازال بيرن في ودني للنهار ده
فيه حد في حياتي غيري !؟ .. – انت مش في حياتي أصلا
كسر قلبي صعب يتلصم بـ جبس او جبيره
و المشكلة الكبيرة .. انا منستكيش بـ بيره
مكانش امير .. لكنه قلبه اختار اميره
امنيتي الأخيرة تبقى دي النغزه الاخيره
عرضنا لكم أعلاه كلمات أغنية النغزه الاخيره غناء زياد الدساس، يمكنك أيضا متابعة كلمات أغنية هزيمة مشرفة غناء زياد الدساس مكتوبة كاملة.
