نعرض لكم كلمات أغنية (اكبر قهر) مكتوبة غناء (عبدالعزيز العليوي) كلمات (الشريف مشاري العبدلي) والحان (عبدالعزيز العليوي & عبدالله السالم) ومن توزيع (محمد المرزوق)
عبدالعزيز العليوي – اكبر قهر – ( حصرياً ) 2021
كلمات اغنية اكبر قهر عبدالعزيز العليوي 2021
اكبر قهر لاجيت تعشق لك انسان
واللي تحبه ساهيٍ مادرا بك
واكبر قهر تحلم وتحلم لك ازمان
ويطيح حلمك ميتٍ عند بابك
واكبر قهر تبني من سنين بنيان
وتشوف بنيك ماتعدا ترابك
واكبر قهر تسقي من الورد بستان
وتموت بين ايديك زهرة شبابك
واكبر قهر تارد على البير ضميان
وتشوف بعض الطين حايس شرابك
واكبر قهر لاحطوا الناس نيشان
كلن يزهب وانت ضايع زهابك
واكبر قهر ترهن على حصان خسران
يوم السباق لاطحت كلن حكا بك
واكبر قهر لاصرت ضايع وعطشان
نفس الطريق اللي يوديك جابك
واكبر قهر صاحبك لاجاك خوّان
لابحت له بالسر راح ووشى بك
واكبر قهر تعطي وتعطي علشان
تاخذ عقب كل العطايا حسابك
كل ماسبق ذكره على الشوف ماكان
حفنة حروف مع بعضها تشابك
ماهو بهرجٍ يعجن بفم ولسان
ولاهو بعودٍ يكسره حد نابك
ان كنت فيما قلت تحتاج برهان
ناظر وتلقى في قصيدي جوابك
وان كنت فيما قلت مخطي وغلطان
اترك خطانا وانت عطنا صوابك
