نعرض لكم اغنية احكي مكتوبة غناء كلمات ومن توزيع بلال سكوترم.
يمكنك الاستماع إلى الأغنية من خلال الفيديو كليب الرسمي التالي:-
كلمات تراك احكي مكتوبة غناء بلال سكوترم
ارسم نجومك عالسقف
وان ماوصلتلها هد البيت بدون اي شغف
احكيلهن الحلم بكلفنا كم قلب
واحكيلنا حلمهن بكلفهم كم الف
احكيلها كيف اجيت متنازل
تحكيلها قلبك واسع تفكرك عم تغازل
كيف الطفولة سبقنا شقاكن بمراحل
وما بقى غير السجن التلت التالت للمراجل
ليش رخصتوا هنن غليوا
صغرتوا هنن كبروا
تعبتوا هنن نجحوا
قتلتوا هنن ربحوا
كل ما سألت اذانهن سدوا
لانو بتحكي وما بتخاف هنن بخافوا فا مابيحكوا
للبنت الي كنت واعدها تنيمها ع ريش
احكيلها الحاله تعبانه ويمكن بكرا مانفيق وانو هيا غنية ونحنا دراويش
وماشرط تكون ليلى حتى يكون خطبه مفيش
قديش صبرت واستنيت طب شو صبرك عالمر اذا مافي امر من هيك
نص شبابنا صار كئيب
إما الزواج كذبة رزمة ونصيب
إسالها ليش نسيت
ليش صعبت عليك
إسالها ليش خربت ليش كسرت هالعين
وقلبت وجهها فيك إسالها ضحكت لمين
واذا الدنيا الدواره صار عليها في كم دين
من وانتا وصغير كل ماشديت عشي خسرتو
من حفظ معاك طريق البيت غير لما ضيعتو
ماتحن لشعور طفولتك هاي المشاعر مابنعرفها
الضربة الي كانت تجي تقويك بدل ماتاكلها
كنت بتضربها
ولك رجال بكرا بحط تمثالي بغرفتي
لانو وقت فراغو اخي كان يجي ينحتني
عيشو لا تورو ولادكو كتاب بيحكي رحلتنا
انتو الي عملتو الحرب نحنا الي الحرب عملتنا
اي وكمان لا ما عم بعزف
خريج شهادتك مجروحه فا مستقبلك عم ينزف
يمكن تكتب .. يمكن تيكتوك
فا برحلة حلمك مو باقي غير تنزل تدفش
وانت حروفك عم تغسل
هم من يحتارو باي حرف لازم تختم
ويني اكثر بيناسبهم
ارسب ولا ارسم
اكتب ولا اكتم
إسالها ليش نسيت
ليش صعبت عليك
إسالها ليش خربت ليش كسرت هالعين
وقلبت وجهها فيك إسالها ضحكت لمين
واذا الدنيا الدواره صار عليها في كم دين
عرضنا لكم أعلاه كلمات اغنية احكي غناء بلال سكوترم
يمكنك أيضًا متابعة: كلمات اغنية ولاد الحي مكتوبة كاملة غناء بلال سكوترم
