- غناء: مروان موسى
- ألحان وتوزيع: مروان موسى
لسه على معادنا لسه على معادنا
اصحي للكلام بنحط اجوان من اي هجمة
لو جاي في قصف جبهة تبقى عيل اهبل
من دلوقتي عايزك تمشي بشويش على مهلك
اهلا بيك في نهاية العالم جينا نولعهالك
هحل اللي مقدرنيش لا يسطا دي استحالة
يسطا دي استحالة لسه شايلهالك
كل اللي انتا قولته هنزله على دماغك
انا جيت قدام انا جيت قدام مسمعتش صوتكو يلا كله يربط الحزام
هنقلب الميزان هنولع في المكان
مش هنولعها ببنزيمة ولا بركان
هنولع هيروشيما هنولع ناجازاكي
وقفت معاك في الصعبة يا صديقي ودي جزاتي
بتشك في دماغي ياعم هو انتا لاقي
فكر كويس لو هتاخد خطوة في اتجاهي
هندخل اراضيكو متخفش هنراضيكو
فيه ذخيرة كتيرة زميلي مش خسارة فيكو
يسرق نقطع ايدو يهرب برضو نجيبو
ايوة دي النهاية .. النهاية ليكو
داخل بشد في اجزائي وبقول ولا حركة
يا راجل مرضيتش اهينك واخد منك برغم انها كانت فرسة
ولا تيجي تترجاني ولا تبعت ناس من طرفك
اكتر واحد متكامل في اللعبة الباقي ماشي بالبركة
لا احنا مش نفس الدرجة انا في حتة تانية خالص
انتا بس اللي بتقارن انا بصراحة كان نفسي احلك بس مجتش معايا اصل انا ظالم
الاعيبكو كلها مكشوفة تبلع وتبدأ هرتلة اعرف بس اني اشوفك
لما اشوفك هزعلك شكلك يا باشا مش فاهم اللقطة
واللي اقدر اعملو فيك انتا وشلتك بين القوسين انتا زي قلتك
عيل اهبل بتمنالك الشفا انتا كده جيت لحد هنا فا بقولك استحمل
يسطا انتا كده غلطت ومفيش رجعة بالنسبالي بعد اما احلف
الطيبة فيا بس بحدف بس كده انا فهمتها
كل اللي جاي انتهى انتا خلاص وقتك انتهى
مهما عافرت وحاولت تشدها نعلقكو ونفرج عليكم البشر
فيه الف واحد واقف برا تبعي وممكن في لحظة تلاقي المبنى ده انفجر
ولو هتهرب من نفسك ومن الموت برضو مش هتهرب من القدر
فاضل عشرة متر للخطر مش هنسيب حد فيه نفس
لقطة معايا تودي ع الكفن غلطت معايا تدفع التمن
كله اتكشف كله اتكشف اول الشمس ما بتنزل
بنيجي الساحة وبننسف كله اتمسك وبينزف
سوق يسطا على نفسك بتيجي عندي وبتركن
كده النفسيات سلكت العيال خلاص هربت
اضرب في المليان متفكرش كتير
جثث جثث جثث على الارض كتير
صحيت من النوم طويل على عرش كبير
فهمت دماغك فين ومحتجتش تفسير
كله عيار تقيل بضرب في المليان
بغطس من الايام واطلع من الدخان
غيرتوا الالوان كل دي افلام
قفلنا العداد قفلنا العداد سخنا الاجواء هدي الترموستات
هنجيلك ع الباب تهرب من الشباك
اسفين ع الازعاج مفيش حق بيتساب
