• غناء: أحمد كامل
  • كلمات: مصطفى ناصر
  • ألحان: أحمد كامل
  • توزيع: إسلام شيتوس
  • جيتار: بيتر سمير
  • بيانو: نور عباس
  • إنتاج: A.K.

بقيتي في الطريق أبعد

من الحلم اللي أنا حلمته

صحيح الشيء إذا خسرناه

بنفهم وقتها قيمته

بقيت خايف وأنا لوحدي

ووجعي قصادي مد الشوف

كإني طفل في إيديكي

وسيبتيه تاه في وسط الخوف

بمر بعيني على الذكرى

كإني فوق إزاز حافي

ولسه كل ما أتصور

بشوفك ماسكة في كتافي

وهمشي لوحدي في الشارع

وأحسك طيف على الڤتارين

فارقتيني وخاصمني الليل

وسابني وصوت غُنايا حزين

والليل اللي أنا دلوقتي بقيت عايشه لوحدي

غير الليل اللي زمان أنا عيشته قصاد بابك

اللي اتعود يبكي في حضنك من الدنيا دي

دلوقتي بيبكي في حضن الدنيا على غيابك

والليل اللي أنا دلوقتي بقيت عايشه لوحدي

غير الليل اللي زمان أنا عيشته قصاد بابك

اللي أتعود يبكي في حضنك من الدنيا دي

دلوقتي بيبكي في حضن الدنيا على غيابك

بغمض عيني وأتخيل

معاد هنعيشه تاني بعيد

ونبقى كبرنا أنا وأنتي

وتبقى الغمازات تجاعيد

يطول الليل وأنا مشتاق

لحضن زمان وتنهيدك

وخايف لو يفوت عمري

ماموتش وراسي على إيدك

ولسه بروح لكل مكان

وبطلب قهوتين برضه

أنا قلبي يعيش ازاي

وطيفك لسه بيطارده

بقيت مكسور ومش هنكر

يا عمري وارضي وبلادي

ما فيه رجالة في الدنيا

بيكسرها الفراق عادي

والليل اللي أنا دلوقتي بقيت عايشه لوحدي

غير الليل اللي زمان أنا عيشته قصاد بابك

اللي اتعود يبكي في حضنك من الدنيا دي

دلوقتي بيبكي في حضن الدنيا على غيابك

والليل اللي أنا دلوقتي بقيت عايشه لوحدي

غير الليل اللي زمان أنا عيشته قصاد بابك

اللي اتعود يبكي في حضنك من الدنيا دي

دلوقتي بيبكي في حضن الدنيا على غيابك

نجاح منقطع النظير لأحمد كامل مُجددًا

الجدير بالذكر أن أحمد كامل مطرب شاب ومُجتهد نجح في الفترة الأخيرة في صناعة اسم لنفسه وتكوين شعبية جارفة وسط الجمهور، بدأ أحمد كامل مسيرته الفنية من خلال رفع فيديوهات أغانية على مواقع التواصل الاجتماعي وساوند كلاود إلى أن أتيحت له الفرصة وتعاقد مع شركة إنتاج ونجح في تقديم أغاني مميزة مثل يا ليل وقولي ومبقتش أخاف كما نجح المطرب الصاعد في تقديم حفلات في أماكن راقية متعددة بحضور جماهيري كبير وهو ما ساهم في زيادة شعبيته.

https://soundcloud.com/mo3gza_stylish/2020a?in=mazzikafree/sets/albummohamed-nour-mesa-mesa-2018-2018

يتصدر الفنان حاليًا تريند أغاني اليوتيوب بأغنية قصاد بابك وهو ما يُعد الهدية المثالية للمطرب الذي احتفل بزواجه منذ أيام قليلة في حفل أقيم في أحد الفنادق المصرية المشهورة وحضره الكثير من مشاهير الوسط الفني والمطربين الآخرين أمثال محمود العسيلي وتامر حسني وقاموا بتهنئة الفنان بزواجه وتمنوا له حياة زوجية سعيدة وهنئية.

https://www.instagram.com/p/B9kcO4rHIeC/