إلغاء حفل الجوكر وايفل كان هو القرار المفاجئ لذي تم أتخاذه بعدما حدثت مشكلة كبيرة في الصوت.
وذلك أثناء اقامتهما حفلا ضخما على خشبة مسرح الزمالك.
ليفاجئ الجميع أن الصوت لا يعمل فيخرج الجوكر للجمهور ليعتذر لهم عن المشكلة الخارجة عن ارادته.
كما غنى مع الحضور أثنين من التراكات الشهيرة له ووعد بتعويض الجمهور عن هذا الخطأ.
كما نشر بعدها الجوكر على صفحته الشخصية البوست التالي:
أنا بعتذر جدًا لكل الناس اللي جت النهاردة عشان تحضر حفلتي في مسرح الزمالك.
“اللي حصل النهاردة كان لظروف خارجة عن إرادتي تمامًا، كان في مشكلة في الكهرباء من عند المسرح وانتظرنا كتير إنهم يحلوها وللأسف مفيش حاجة اتحلت”.
كما تابع:
“هفضل دايمًا مهتم إن أي حفلة أعملها تكون حاجة تليق بيكم، عشان كدة بعد أسبوع هنعلن عن ميعاد حفلة تانية في مكان تاني، وكل الناس اللي جت حفلة النهاردة، مدعوة لحضور الحفلة الجاية بدون مقابل”.
“الحفلة اللي جاية دي مش هتكون بدل حفلة النهاردة،
الحفلة اللي جاية دي احنا هنتكفل بدخول الناس اللي جت حفل النهاردة فيها مجانا تعويضا ليهم عن موقف احنا ملناش ذنب فيه ومستفدناش منه أي حاجه”.
“تمن تذاكر حفلة النهاردة ياريت تتواصلوا مع مسرح الزمالك مباشرةً عشان تستردوه”.
“وأخيرا حابب أشكر ضيفي المحترم إيفيل وأشوفكم قريب”.
وقد تباين ردود أفعال الجمهور حول إلغاء حفل الجوكر وايفا.
فمنهم من قال بأن الأمر مدبر ومنهم من اتهم مطرب راب شهير بأنه السبب،
وهناك جمهور آخر داعم للجوكر اكدوا بأنهم كانوا سعداء لأنه غنى معهم وتقدم بالاعتذار.
ويذكر ان آخر أعمال الجوكر هو تراك “الأب” والذي تجاوزت مشاهداته على موقع اليوتيوب أكثر من ٧٠٠ ألف مشاهدة خلال خمس أيام فقط من عرضه.
