كلمات اغنية وش يحبس الدمعه مكتوبة كاملة غناء فالح الطوق و مانع القحطاني، الأغنية من كلمات بدع : عبدالهادي ابوديه وكلمات رد سعيد ابوديه والحان فالح الطوق و مانع القحطاني
يمكنك الاستماع إلى أغنية وش يحبس الدمعه من خلال الفيديو كليب الرسمي التالي:-
كلمات اغنية وش يحبس الدمعه غناء فالح الطوق و مانع القحطاني مكتوبة كاملة
يابوي دمعتك انزفت ماهي بزيف
دمعة عزيزً وده انها بجوفه
لاتشتحن ضيف الله معزب الضيف
جعله يعين ماتعين ضيوفه
ياهادي الخاطر من احزانه امعيف
ابوك نيبان الليالي تحوفه
فقد ابن حاجب حزنً اقطع من السيف
لاسله اللي ماتراعد كفوفه
ابوحسن فقده على اهل المواقيف
وكل ابلجً عليه بان امعروفه
وين الذرى واللي رحل رجمً منيف
عقبه خساراتنا ماهي بمخلوفه
كيف انتحمل غيبة ابو حسن كيف
ياليتها غيبه سببها ظروفه
بس المصيبه مات راعي المعاريف
ابو حسن ماعاد نقدر نشوفه
نبكي على اللي فالقسا مزبن وريف
وساعة رحيله مابعدها حسوفه
ياشينها صدفة كبار الصواديف
منها ابتسامات الوجيه امخطوفه
دموعنا ماهي دموع المواليف
دموعنا غيمً غزيرً قنوفه
نبكي ذرا سنحان غيث الملاهيف
نبكيه ودموع الرجال امعروفه
سنحان يبكونه من السيف للسيف
ينعون رمز العرف واشهر سيوفه
الدار عقبه قفر والمجمع مخيف
وش يحبس الدمعه لاجينا مضوفه
كبدي بعد فرقاه نارً على ليف
وضلوع صدري من حزنه امعزوفه
لو البكا من طبع روس المشاريف
شفت الحيود من الجبال محذوفه
اكرم عربنا فعل ماهي سواليف
من عاد بقعا بالعدم ماتروفه
غاب ابلجً مجده لسنحان تشريف
وغاب السرور من القلوب الشغوفه
من خلق منصى ضيف ومنجّي اضعيف
ومن حكمته عوص الظروف امعسوفه
جعل مرضه بتالي العمر تخفيف
ويوم الحشر في ظل ربي وقوفه
مرحوم ياللي جود يمناه تعريف
الجود جمعً ويتقدم اصفوفه
حتى القدر ماوصله الا اخر الصيف
ودع حياته مع موادع ضيوفه
لكن عوضنا فالسيوف المراهيف
كم كايدً لارز خشمه تلوفه
مامات ابن حاجب فريد التواصيف
واخوه وعياله خذو من وصوفه
عرضنا لكم أعلاه كلمات أغنية وش يحبس الدمعه غناء فالح الطوق و مانع القحطاني،.
