فيما يلي نعرض لكم كلمات اغنية واحد صفر غناء عمرو سايكو مكتوبة كاملة حيث تم صدور الاغنية على موقع يوتيوب.
الأغنية من كلمات والحان وتوزيع بواسطة عمرو سايكو.
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية واحد صفر غناء عمرو سايكو مكتوبة كاملة
ورا بعض تخرب جي دَك الدنيا تَرس
مش فاضل ليا من القديم غير الصدمة والدرس
مش فاضل ليا غير المغنى وغير السَرد
وحتى فى دى تعبت كتير ورزقى مجاش فى رمية نَرد
مشيت انا كل الطرق -لأجل ما اهدى- فضلت قايد
بتعشم فى دنيا تحن جايز على قلبى الى دايب
حظى شايب , همى قارح , طيب -نابى جارح-
بجرى فى الحاضر واعافر خايف بكرا اشوف امبارح
كله دق على الكتف الى خدل مين الى طبطب ؟
خسرت نص عمرى فى خضة خدت فى قلبى خبطة
بتخبط – فى توهة , عُمر وبيتقضى
بقيت فى نص البار عينى ع الجامع هموت واتوضى
بص فى عينى وقولى ليه الدنيا مكرمتناش بجنيه
مربوطين فى ساقية شغل باسم اكل العيش
ولا حد سأل الدنيا ليه ولا حد خد بطارى
كل ليل ع الدايرى بقف افكر فى انتحارى
ضحكت وانا بسألها مين فينا الى ضيع مين
اتأسفيلى لو جواز صالونات مش حب 6 سنين
كان العتاب سُكات , اخرص الكلام
راهنت عليكى بعُمرى وخلصت 1:0 للايام
قتلانى سيرتك لو وسط الكلام هتيجى
خلانى قلبى كل ما ادور ع الحلول الاقيكى
ميغركيش الكام تراك انا مش ناسيكى
ايديكى دى الترياق وعينك السحر بحق وحقيقى
كان نفسى يجيبك العتاب او حتى تغيرى
حكيتلك عن وساخة عقلى طب سايبانى ليه لتفكيرى
سيبك من هدوءى وراه كلام كتير متقالش
يرضيكى تبقى انتِ الحلو الى مبيكملش
وبالمناسبة , انا كمان فى وَرطة
الصبر بيشطب والعقل شت وصعب انى ارجع ارضى
صعب انك تعيش الدنيا سباق عذاب بيطاردك
مش سهل انك تموت شهيد وفى الاخر تخونك ارضك
وكأن الى بيننا هج وطار
قطعتى فى سيرتى وكأن الى بيننا طار (ثأر)
بقى يعنى اخرجك من سجن الدنيا تدخلينى حصار
قفلتيها دومنا وفى الاخر تقولى اختار
عرضنا لكم أعلاه كلمات أغنية واحد صفر غناء عمرو سايكو
يمكنك ايضا متابعة كلمات اغنية بفتكرك غناء عمرو سايكو مكتوبة كاملة
