كلمات اغنية لعبة الصراحه مكتوبة كاملة غناء زياد الدساس و روان، الأغنية من كلمات والحان وتوزيع زياد الدساس
يمكنك الاستماع إلى أغنية لعبة الصراحه من خلال الفيديو كليب الرسمي التالي:-
كلمات اغنية لعبة الصراحه غناء زياد الدساس و روان مكتوبة كاملة
انا مبسوط ان احنا اخيراً اتجمعنا في قعده واحده
احلى صحاب و لمه و احلى حبيبه و احلى واحده
تعالوا نفصل حبه عن العالم و مشاكله الباهته
نلعب لعبة الصراحه ؟ .. – انا موافقه دي فكره جامده
بس بشرط محدش يكدب كله يتكلم بجد
كله هيقول الصراحه دي حاجه مش هتزعل حد
لف الدور و جه عليا بصيتلها و قولت اسألها
عمرك مره كدبتي عليا ؟ .. – كله يسكت انا هجاوبك
كدبت طبعاً .. محبتكش دي بتخونك مع صاحبك
و انا مرضهاش على نفسي فـ كان لازم دلوقتي اصارحك
و ليه هنروح بعيد ؟ .. ما هو قاعد دلوقتي جمبك
كلنا عارفين بس انا مش هقبل افضل شايله ذنبك
ما بتكدب كل مره و انت بطيبتك بتصدقها
و انت صعبت عليا ميرضينيش اني افضل ساكته
فوق لنفسك .. و ازعل بس على حد يستاهلك
حتى لو هتكون لوحدك احسنلك ما تكون مُستهلك
هي الصراحه تزعل ؟ .. يلا بينا نكمل لعب
و انا مش فارقلي عادي ما كل حياتي كدب في كدب
هي كدبت ! .. ما عادي يعني كلنا كدابين
و اديني كمان كدبت و قولت مش فارقلي و انا حزين
زمان قولتلك اني هنورلك دنيتك
و انا حياتي بتنور بس بمجرد ما بشوف ضحكتك
باظت لعبتك و خلاص اتكشفت كدبتك
هونت عليكي تخدعيني بس مهونتش على صاحبتك
عندي سؤال انا اسف .. عارف انا اسئلتي كتير
هو انتي محبتينيش عشان عليكي انا كنت بغير ؟
ولا اكمني يعني مش وسيم و شكلي مش جميل ؟
لما قولتي ” بحبك ” كانت كدبة ديسمبر مش ابريل
عرفيني .. ليه فضلتي جمبي و انتي مش حباني ؟
مفيش شئ اسمه حب كان كداب نزار قباني
انا ايه اللي جابني لـ واحده اصلاً من البدايه بايعاني ؟
كله يكمل كدب يلا انا ولا هسأل ولا هلعب تاني
عرضنا لكم أعلاه كلمات أغنية لعبة الصراحه غناء زياد الدساس و روان، يمكنك أيضا متابعة كلمات أغنية سكيتي غناء زياد الدساس مكتوبة كاملة.
