كلمات: محمد بن دلامه
هندسة وتوزيع: استديو الاصاله
جرافكس: سند – SANAD
اختصار الكلام – عبدالرحمن بن ذيب ( حصرياً ) | 2021
كلمات اغنية اختصار الكلام عبدالرحمن بن ذيب
مع طريق الحياه اللي ماتدري لـ وين
وكّل الله وصدرك خل فيه اتساع
واجه اللي تواجه. واتجه. لاتلين
عز نفسك وكافح. وابذل المستطاع
عزة النفس تاضح صح لناظرين
فالبطون الجياع. وفالعيون الشباع
خل سمعك ثقيل. وخل سدّك متين
وخل قلبك هجوم وخل عقلك دفاع
اللي ماله مواقف بيّنه مايبين
المواقف دليله.والسوالف ضياع
والمدايح تذب الريع. في موقفين
موقفٍ لـ الكريم. وموقفٍ لـ الشجاع
سيرة المُتقين. وسيرة الطيبين
ذكرياتٍ. تخلد. بعد يوم. الوداع
من شباب السنين الى مشيب السنين
الليالي تسجل. والفعايل. تذاع
بين طلق اللسان. وبين طلق اليمين
فيه فرق اعتبار. وفي فرق انطباع
اختصار الكلام. يزين في كلمتين
يجلب الارتياح ويجلب الاقتناع
(مثل ماتوخذ الجزيه من المشركين)
(ياخذ المدح بذراعه) (طويل الذراع)
