الاغنية من كلمات ومن توزيع ومكس وماستر عمرو سايكو وانتاج يوسف اوزيل.
تم عرض الاغنية علي جميع المنصات الموسيقية بشكل حصري وايضا عبر قناة اليوتيوب الرسمية للمطرب
يمكنك الاستماع إلى الأغنية من خلال الفيديو كليب الرسمي التالي:-
كلمات اغنية رأس السنة 8 غناء عمرو سايكو مكتوبة كاملة
بطلت احكيلها وتحكيلى ..
مبقيتش بتشغلنى تفاصيلها ولا بتسمعلى مواويلى
زاد السكوت شهور والكلام مجابش جديد
تقدر تقول حتى العتاب اصبح تقيل
و زى العادى .. ولا بنسالك ولا بنساكى
مابين نارين , والحب فين وفين هواكى
وكل ليل بتجيلى سيرتك زى شريط فى دماغى اتعاد
كأنى فى 2019 وبغننى ان بيننا بلاد
زاد السواد تحت العيون كون هالات
وانا بحالات , ساعات اضحك وحبة اقول يا ريتنى اكون معاك
ساعات مع الغامق بليق -هموت واعديلك طريق-
مكانتش اعراض انسحاب طلعت هلاك بطئ
هتجيلى يوم واحكيلها ازاى عنيا اتطفت
ازاى ايديا صابها الهجر ازاى حبايبى اختفت
ازاى حياتى اكتفت الفرحة اتنفت
ازاى سيرتى فى كلام حبايبى اتنست
اخبط فى كتف الذكرى ابص اقول لا مؤاخذة
” هو انا مبجيش فى بالها ؟ “
اسئلة كتير بلا مغزى
م الشغل للملهى , وانا ضيعت نفسى عشانها
ربطانى حبالها ولسه بتيجى فى قلبى زى النغزة
الم وشى من حياتى وابص للى فات اتقهر
عشان عيونها بس عمرو فى شغله سهر
كانت صعبة السنين وانا اروح لمين ينجدنى ان قدر
الوقعة م العشرين انا مكنش سهل اتكسر
مش مهم مين الى بادئ , الحرب بادت
هيخطفوكى منى فى يوم فرحك وازاى هبارك
وبعدهالك , اهون عليكى اعيش بقلب هالك
تتربى فى حضنى وياخدك منى غيرى يسيبنى باهت
البرد الى شادد حيله مفكركيش بسيرتى
فى بحر الناس غريق من بعدك انتِ جزيرتى
ببصلك فى الصور من بعيد ودى مقدرتى
انا حاسس ان فراقنا كان امبارح انتِ امتى كبرتى
ماسك ايدى لاتكتب ارجعيلى كأنى ماسك جمر
ازاى قدرتى تعيشى فى وسط ناس مفيهمش عمرو !!
مع انى كبرت بس بخاف من بُع بُع اسمه بُعدك
لو فاكرة غيرى ياخدك منى لا ده يبقى بُعدك
كانت السجاير اضعف من اتلافى -بُعدك كافى-
لما اتسألت السبب ايه هزيت كتافى وقومت ماشى
منا معرفش بعدنا امتى وليه
كل الى فاكره كلمتين فى العند وشوف وصلنا لحد فين
والشغف بقى شئ لا يُذكر
كانت مسئلة وقت .. صدقت وهى خدت اوسكار
الدنيا للحزام كانت رافعة وهى كانت صفعة
سايبانى كل ماحزن اكتب صفحة واقطع صفحة
حياتى ايه من بعدك !
حياة بجذورها ولعت
يا ريتك قولتى كلمة سكوتك كان بيرعب
ده انا كنت بجيلك متدغدغ وفى حضنك بتلمينى
مجاش فى بالى خالص ان انتِ الى تخربشينى
ما تكلمينى , ردى وقولى اى كلام بالكدب
قوليلى اى سبب حتى لو هتقولى زهقت
منا مش سليم قص ولزق قلبى بالفراق اتغز
عليكى بس كان مفيش اى شئ يتعز
اكبر كف خدته فى عمرى وكانت اسوأ درس
بقالى 8 سنين بغننى للى عمره فى يوم ما حس
رجليا بتتقل وانا على كتفى خيبة امل
كل الكلام فى دماغى يساوى جملة ايه العمل
بعد 8 سنين معافرة ادينى بعيش نفس الاحساس بالظبط
ركبت معاك ومعرفش ان الحزن اخر الخط
وده الى جد عشان مفوقش اختارت اشد جرام
دورت عليها فى الناس والصور , وفى الارقام
بقالى سنين انا والنعس فى خصام مابيننا صدام
كأن اى حد فى غيرها فى عينى كان اصنام
و ده الى اتبقى , تراكات و ارقام حطام على حطام
اعيش 8 سنين مستنى اموت مش يبقى حرام
لما الخيانة تهل حبى ليك يتتاخر
والمفاجأة !! ان انا كمان انسان وليا اخر
على قد جد الدنيا بتقلب عرض ساخر
لما عرفت انا الحقيقة مت ضحك وقومت ****
(واحد صفر) للايام و (فركش) للرهان
عينى فيها طريق بطال , اخره اكون خسران
تبص فى عينى م التوهان , تقول سكران ؟
جوا العيون غيوم تحت العيون قطران
عرضنا لكم أعلاه كلمات أغنية رأس السنة 8 غناء عمرو سايكو
يمكنك ايضا متابعة كلمات اغنية واحد صفر غناء عمرو سايكو مكتوبة كاملة
